Ерөнхий сайд Л.Оюун-Эрдэнийг орлогоо нотлох, огцрохыг шаардсан иргэдийн жагсаал хотын төв талбайд өнөөдөр зургаа дахь өдрөө үргэлжилж байна. Ерөнхий сайд Л.Оюун-Эрдэнийн хүү О.Тэмүүлэнгийн хэтийдсэн тансаглал олон нийтийн дургүйцлийг хүргэж, хариуцлага нэхсэн иргэд Сүхбаатарын талбайд жагсаж, орлогоо нотлох, хуулийн хүрээнд шалгуулахыг шаардсаар байна.
Төв талбайд цуглаж буй иргэдийн дийлэнхийг залуус эзэлжээ. Мөн иргэн Г.Доржтүвдэнгийн Ерөнхий сайд Л.Оюун-Эрдэнийг огцруулахыг шаардаж УИХ-ын /https://www.uih.mn/petition/view/ сайтад үүсгэсэн өргөдөлд гарын үсэг зурсан иргэдийн тоо өнөөдрийн байдлаар 49 мянга даваад байна. Ерөнхий сайдыг огцруулах санаачлага улс төрийн хүрээнд ч өндөр авч эхэллээ. Л.Оюун-Эрдэнийг огцруулах шаардалыг дэмжиж УИХ-ын гишүүн Ж.Баярмаа, С.Цэнгүүн, Ч.Лодойсамбуу, Ж.Золжаргал нар гарын үсгээ зуржээ. Өнөөдөр Ш.Бямбасүрэн гишүүн гарын үсгээ зурахаа мэдэгдсэн байна.
Дээрх нөхцөл байдалтай холбоотойгоор МАН-ын анхан шатны үүрүүдээс Засгийн газрын эсрэг үзэл бодлоо олон нийтийн сүлжээгээр нээлттэй илэрхийлсэн гишүүд рүүгээ холбогдож, арга хэмжээ авахаа мэдэгджээ. Мөн үүрийн дарга нарт хүн тус бүр багадаа 20 хүн цуглуулж, төв талбайд сөрөг жагсаал зохион байгуулах үүрэг даалгавар өгсөн гэнэ.
Сэтгэгдэл (1)