БНСУ-ын SBS телевизийн нэр хүндтэй VEILED MUSICIAN шоу нэвтрүүлгийг Монголд МҮОНТ албан ёсны эрхтэйгээр зохион байгуулж байна. Дуу хоолойг царай зүснээс дээгүүрт тавьдаг энэхүү уралдаанд оролцогчид "хөшигний ард" буюу зөвхөн дуу хоолойгоороо өрсөлдөх онцлогтой.
Шоуны бүртгэл тавдугаар сарын 20-ныг хүртэл үргэлжлэх бөгөөд бүртгэл дуусахад ердөө 7 хоног үлдээд байна. 14 наснаас дээш бүх насны залуус оролцох боломжтой бөгөөд поп, хип хоп, R&B, баллад зэрэг урсгалаар дуулдаг байх шаардлагатай.
Монголд шалгарсан топ 3 оролцогч БНСУ-д болох Азийн ялагчийн төлөөх уралдаанд оролцох бөгөөд уг тэмцээнд оролцох бүх зардлыг МҮОНРТ бүрэн хариуцна. Энэхүү шоу нь Солонгост гурав дахь удаагаа зохион байгуулагдаж байгаа бол энэ удаад Ази тивийн 13 орон оролцож байна. Үүнд Япон, Хятад, Вьетнам, Индонез, Филиппин, Камбож, Лаос, Тайланд, Сингапур, Малайз, Мьянмар, Солонгос болон Монгол улс багтжээ.
Оролцохыг хүсэгчид өөрийн товч танилцуулга болон 90 секундын дуулж буй бичлэгээ veiledmusician@mnb.mn хаягаар илгээж бүртгүүлнэ үү.
Эх сурвалж: МҮОНРТ
