"И-Монгол академи" УТҮГ болон Шүүхийн шийдвэр гүйцэтгэх ерөнхий газар (ШШГЕГ) хамтын ажиллагаагаа эрчимжүүлж, алба хаагчдын цахим ур чадварыг дээшлүүлэх, систем хөгжүүлэлт болон олон нийтэд хүрэх мэдээллийн чанар, хүртээмжийг шинэ түвшинд гаргахаар шат дараалсан ажлуудыг амжилттай хэрэгжүүлж байна.
Хамтын ажиллагааны хүрээнд:
- ШШГЕГ-ын алба хаагчдыг цахим засаглал, дэвшилтэт технологийн чиглэлээр чадавхжуулах сургалтуудыг танхим болон цахимаар зохион байгуулж байна.
- Шүүхийн шийдвэр гүйцэтгэх ерөнхий газрын шаардлагатай лавлагаа, тодорхойлолтыг цахимжуулж, E-Mongolia системийн үйлчилгээг илүү хүртээмжтэй байх тал дээр анхаарч байна.
- Контент, мэдээ мэдээллийг олон нийтийн сүлжээгээр идэвхтэй түгээн, байгууллагуудын ил тод байдлыг бэхжүүлж байна.
Өнөөдрийн байдлаар ШШГЕГ-ын дараах үйлчилгээнүүдийг E-Mongolia системээр иргэд авах боломжтой болсон:
- Шүүхийн шийдвэрээр бусдад төлбөргүй эсэх тодорхойлолт - 590,856 удаагийн хандалт
- Суллагдсан тухай тодорхойлолт - 390 хандалт
- Тусгай архивын лавлагаа, тодорхойлолт, тушаалын хуулбар - нийт 9 хандалт
- Шүүхийн шийдвэр гүйцэтгэх ерөнхий газрын Тусгай архив - Лавлагаа 4
Цаашид талууд хамтын ажиллагаагаа улам гүнзгийрүүлж, олон нийтэд чиглэсэн арга хэмжээг өргөн хүрээнд зохион байгуулах зорилт тавин ажиллаж байгаа юм.
