Гэр бүл, хөдөлмөр, нийгмийн хамгааллын яам Азийн хөгжлийн банкны хөнгөлөлттэй зээлээр “Цар тахлын үед хариу арга хэмжээ авах нийгмийн хамгаалал” төслийг 2021 оны зургаадугаар сарын 7-ноос 2025 оны наймдугаар сарын 31 хүртэл хэрэгжүүлж байна. Төслийн үндсэн зорилго нь цар тахлын нийгэм, эдийн засгийн сөрөг нөлөөг бууруулахад чиглэсэн нийгмийн хамгааллын тогтолцоог сайжруулахад оршино.

Төсөл дараах гурван дэд бүрэлдэхүүнтэй хэрэгжиж байна:

• Хүүхдийн мөнгөн тэтгэмжийг нэмэгдүүлэн олгох
  2021–2022 онд зорилтот бүлгийн хүүхдүүдэд нэмэлт дэмжлэг үзүүлсэн нь цар тахлын хүндрэлийг зөөлрүүлэхэд бодитой нөлөө үзүүлжээ.

• Нийгмийн халамжийн цахим системийг хөгжүүлэх
  Энэ хүрээнд e-halamj систем, Өрхийн мэдээллийн нэгдсэн сангийн хөгжүүлэлтийг дэмжихээр хувь зөвлөхүүдийг ажиллуулж, шаардлагатай техник хэрэгслээр тоноглолоо. 2023 онд 27 мянган өрхийг хамруулсан амьжиргааны түвшин тогтоох судалгаа хийсэн бол 2024–2025 онд 70 мянга гаруй өрхийг дахин судалж байна. Мөн 13 төрийн байгууллагын мэдээллийн сангаас 56 үзүүлэлтийг ашиглан захиргааны мэдээллийг уялдуулах ажлыг хийж, цахим мэдээллийн санг ашиглалтад оруулахаар ажиллаж байна.

• Төгсгөлтийн аргачлалаар туршилтын хөтөлбөр хэрэгжүүлэх
  1,259 өрхийг хамруулсан уг хөтөлбөр нь “коунчинг” буюу цогц зөвлөгөө, үйлчилгээг амьжиргааг дэмжих зорилготойгоор хэрэгжүүлсэн бөгөөд туршилтын үр дүн амжилттай гарсан байна.

Төслийн үр дүнд цар тахлын үед хамгийн эмзэг бүлгийн иргэдэд чиглэсэн дэмжлэг үзүүлэх, халамжийн үйлчилгээний үр ашиг, хүртээмжийг нэмэгдүүлэх, мэдээллийн системийг сайжруулах чухал алхамууд хийгдэж байна.

Эх сурвалж: Гэр бүл, хөдөлмөр, нийгмийн хамгааллын яам