УИХ дахь Монгол Ардын Намын бүлгийн өнөөдрийн хуралдаанаар хэд хэдэн чухал хуулийн төслийн урьдчилсан танилцуулгыг сонсож, гишүүдийн саналыг нэгтгэн хэлэлцлээ.
Хуралдааны эхэнд Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль-ийг шинэчлэн боловсруулах ажлын явцыг танилцуулсан юм. Засгийн газраас байгуулсан ажлын хэсэг уг хуулийг "Худалдан авах ажиллагааны тухай хууль" нэрээр шинэчилж, нийгэм, эдийн засгийн нөхцөл байдалд нийцүүлэн үндсэн долоон чиглэлд өөрчлөлт оруулахаар санал боловсруулжээ. Хуулийн төсөлтэй холбогдуулан бүлгийн гишүүд асуулт асууж, тодруулга авсан байна.
Мөн Үндэсний баялгийн сангийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлэгдэх бусад хууль, тогтоолын талаар Сангийн сайд Б.Жавхлан мэдээлэл өгч, МАН-ын бүлгээс ажлын хэсэг байгуулан гишүүдийн саналыг нэгтгэж, дараагийн хэлэлцүүлэгт бэлтгэхээр боллоо.
Харин хуралдааны үеэр Монгол Улсын Хөгжлийн банкны тухай хуульд нэмэлт өөрчлөлт оруулах танилцуулга болон Хүүхэд, боловсрол, шим тэжээлийн асуудлууд-тай холбоотой хэлэлцүүлгийг УИХ-ын гишүүдийн саналаар хойшлуулсан байна.
