Монгол Улсын Их Хурлаас баталсан “Шүүх эрх мэдлийн хөгжлийн бодлого”, “Авлигатай тэмцэх үндэсний хөтөлбөр”-ийн хэрэгжилтийг хангах зорилгоор 2025 оны дөрөвдүгээр сарын 29-ний өдөр Дархан-Уул аймагт “Авлига, ашиг сонирхлын зөрчлөөс урьдчилан сэргийлэх нь” сэдэвт сургалтыг зохион байгууллаа. Энэхүү сургалт нь Улсын дээд шүүхийн Ерөнхий шүүгч, Шүүхийн ерөнхий зөвлөлийн даргын баталсан авлигын эрсдэлийг бууруулах тусгай төлөвлөгөөний хүрээнд Авлигатай тэмцэх газартай хамтран хэрэгжүүлж буй анхны арга хэмжээ гэдгээрээ онцлог байв.

Сургалтад оролцсон 150 гаруй шүүгч, шүүхийн захиргааны ажилтнуудад дараах сэдвүүдээр мэдээлэл өгч, хэлэлцүүлэг өрнүүлжээ:

• Шүүхийн ерөнхий зөвлөлийн гишүүн А.Отгонцэцэг: Шүүхийн тухай хуулийн нэмэлт өөрчлөлт, бодлогын баримт бичгийн хэрэгжилт

• Гишүүн Н.Баасанжав: Шүүхийн ил тод байдал, нээлттэй байдлыг хангах асуудал

• АТГ-ын хэлтсийн дарга Л.Сүх-Очир: Авлигатай тэмцэх үндэсний хөтөлбөрийн хэрэгжилт

• АТГ-ын ахлах комиссар Л.Нарантуяа: Шүүхийн байгууллага дахь авлигын урьдчилсан сэргийлэлт

• АТГ-ын ахлах комиссар Ц.Цэцэгдэлгэрэх: Хөрөнгө орлого болон ашиг сонирхлын мэдүүлгийн анхаарах асуудал

• Шүүгчийн хүний нөөцийн газрын даргын үүрэг гүйцэтгэгч Г.Насанжаргал: Хүний нөөцийн цахим системийн хэрэглээ

• Шүүхийн цахимжилтын төвийн дарга Т.Мөнхбаяр: Шүүхийн цахим системийн хэрэгжилт

• Нөлөөллийн мэдүүлэг хариуцсан шинжээч Ц.Гүнзаяабаяр: Нөлөөллийн мэдүүлэг, тэмдэглэл хөтлөх практик

Сургалт Дархан-Уул аймгаас гадна Орхон, Сэлэнгэ аймаг, Сэлэнгэ аймгийн Сайхан, Мандал сумдын шүүхийн байгууллагын төлөөллүүдийг хамарсан бөгөөд цаашид бүсчилсэн хэлбэрээр үе шаттайгаар зохион байгуулахаар төлөвлөж байгаа юм.

Эх сурвалж: Шүүхийн ерөнхий зөвлөл, Авлигатай тэмцэх газар