Засгийн газрын 2025 оны дөрөвдүгээр сарын 30-ны ээлжит хуралдаанаар Хойд бүсийн зөвлөлийн хуралдаанаас гарсан 190 гаруй санал, зөвлөмжийг нэгтгэн, гурван том чиглэлээр хэрэгжүүлэх цогц арга хэмжээний тогтоолуудыг баталлаа. Үүнд:

• “Хойд бүсийн хөгжлийг эрчимжүүлэх зарим арга хэмжээний тухай”

• “Дөрвөн улирлын аялал жуулчлалыг хөгжүүлэх зарим арга хэмжээний тухай”

• “Хойд бүсэд үйлдвэрлэл, технологийн паркийн хөгжлийг дэмжих зарим арга хэмжээний тухай” тогтоолууд багтжээ.

Эдгээр тогтоолын хүрээнд дараах чухал ажлуудыг хэрэгжүүлэхээр тусгасан байна:

• Хөвсгөл аймгийн Мөрөнд 50 МВт-аас дээш хүчин чадалтай дулааны цахилгаан станцын ТЭЗҮ боловсруулна.

• Ханх-Хатгал, Жаргалант-Шинэ-Идэр-Мөрөн чиглэлийн хатуу хучилттай авто зам барина.

• Булган аймгийн Дашинчилэн-Мөрөн, Гурванбулаг-Элсэнтасархай зэрэг чиглэлд авто замын зураг төсөл боловсруулна.

• 6%-ийн хүүтэй, 6 жил хүртэл хугацаатай хөнгөлөлттэй зээл олгох аялал жуулчлалын хөтөлбөр хэрэгжүүлнэ.

• Булган, Хөвсгөл аймагт хөгжимт драмын театр барина.

• БНСУ–Хөвсгөл чиглэлд олон улсын шууд нислэг хийх боломжийг бүрдүүлнэ.

• Хойд бүсийн тээвэр, логистикийн төвийн ТЭЗҮ-г боловсруулна.

• “Эрдэнэт шинжлэх ухаан, технологийн парк”-ийг гарааны бизнес дэмжих төв болгон хөгжүүлнэ.

• Ханх–Монд боомтыг шинэчилж өргөтгөнө.

• Орон нутгийн 6 хөгжлийн төвд дэд бүтэц барих төслүүдийг төр-хувийн хэвшлийн түншлэлээр хэрэгжүүлнэ.

• Эрдэнэт хотод ШУТИС-ийн дэргэд сургалт-эрдэм шинжилгээ-үйлдвэрлэлийн цогцолбор байгуулна.

• Хөвсгөл аймагт салбар дундын дадлагын бааз байгуулж, мэргэжилтэн бэлтгэнэ.

• “Эрдэнэт медикал” эмнэлгийг ЭМЯ-ны харьяанд шилжүүлж, хавдрын оношилгооны бүсийн төв болгоно.

• Булган аймгийн 100 ортой эмнэлгийн барилгад санхүүжилт шийдвэрлэнэ.

• Хөвсгөл нуур, Сэлэнгэ мөрний сав газрын экосистемийг хамгаалах судалгаа хийж, улсын тусгай хамгаалалтад авна.

• Ерөнхий сайд Агданбуугийн Амарын мэндэлсний 140 жилийн ойг 2026 онд тэмдэглэнэ.

• “Шинэ Мөрөн” худалдааны төвийн галын улмаас хохирсон иргэдэд 5.2 тэрбум төгрөгийн зээл олгоно.

Эдгээр арга хэмжээгээр Хөвсгөл, Булган, Орхон зэрэг аймгийг хамарсан инфра бүтцийн шинэчлэл, дэд бүтэц, аялал жуулчлал, боловсрол, эрүүл мэнд, эдийн засгийн оновчтой бүсчлэл зэрэг олон салбарт бодит дэвшил гаргах суурь нөхцөл бүрдэхийг хүлээж байна.

Эх сурвалж: Монгол Улсын Засгийн газар