Эдийн засаг, хөгжлийн яамны Төрийн нарийн бичгийн дарга И.Батхүү Монгол Улсад чухал элементийн хайгуул, олборлолтыг нэмэх, хөрөнгө оруулалтыг татах зэрэг асуудлаар АХБ-ны төлөөлөлтэй санал солилцлоо.

АХБ-ны Уур амьсгалын өөрчлөлт, тогтвортой хөгжлийн бодлогын газрын Бүс нутгийн хамтын ажиллагаа, интеграц болон уур амьсгалын өөрчлөлт хариуцсан төлөөлөгчид эрчим хүчний шилжилтийг хэрэгжүүлэхэд шаардлагатай чухал элементийн бүс нутгийн нийлүүлэлтийн сүлжээг хөгжүүлэх чиглэлээр хэрэгжүүлж буй техник туслалцааны төслөө танилцуулж, үүнд Монгол Улсын хувь нэмэр чухал болохыг онцлов. Мөн тус банкнаас эхний ээлжид геологийн зураглалыг өргөтгөж, мэдээллийн бааз, геохимийн шинжилгээ гүйцэтгэх чадавхыг сайжруулах боломжтойгоо илэрхийлжээ.