Монгол Улсад хавсран суух гадаадын таван орны Элчин сайд Ерөнхийлөгч У.Хүрэлсүхэд Итгэмжлэх жуух бичгээ өргөн барилаа. Эл үйл явдлын хүрээнд Малайз, Португал, Колумб, Ирланд, Босни Херцеговин улсаас хавсран суух Онц бөгөөд Бүрэн эрхт Элчин сайд нар Төрийн тэргүүнд бараалхаж, үүрэгт ажилдаа орж байгаагаа албан ёсоор баталгаажуулсан байна.
Тодруулбал, дараах Элчин сайд нар Итгэмжлэх жуух бичгээ өргөн барив:
-
Малайз Улсаас — Дато Мухамад
-
Бүгд Найрамдах Португал Улсаас — Пауло Насименто
-
Бүгд Найрамдах Колумб Улсаас — Алехандро Родригез
-
Ирланд Улсаас — Николас О`Брейн
-
Босни Херцеговин Улсаас — Синиша Бериан
Ерөнхийлөгч У.Хүрэлсүх Элчин сайд нарт баяр хүргэж, үүрэгт ажилд нь амжилт хүслээ. Тэрбээр Монгол Улс гадаад харилцаагаа өргөжүүлэн хөгжүүлэх, хамтын ажиллагаагаа олон улсын байгууллагууд, ялангуяа НҮБ-ын хүрээнд гүнзгийрүүлэх эрмэлзэлтэй байгааг онцлон тэмдэглэсэн юм.
Мөн Элчин сайд нарын зүгээс хоёр талын харилцаа, хамтын ажиллагааг бэхжүүлэхийн төлөө бүх хүчин чармайлтаа зориулна гэдэгт Ерөнхийлөгч итгэлтэй байгаагаа илэрхийлж, төр, засгийн зүгээс тэдний ажилд шаардлагатай бүх талын дэмжлэг үзүүлнэ гэдгийг мэдэгдсэн байна.
Эх сурвалж: Ерөнхийлөгчийн Тамгын газар
