Экспортыг эрчимжүүлэх, валютын нөөцийг нэмэгдүүлэх ажлын хэсгийн дөрөвдүгээр хуралдаан болж, Монгол Улсын экспортын орлого өмнөх долоо хоногтой харьцуулахад 237 сая ам.доллараар буюу 9 хувиар өссөн талаар мэдээллээ. Энэ талаар Сангийн яамны Санхүү, төсвийн судалгааны газрын дарга Г.Золбоо хэлэхдээ, зэсийн баяжмалын экспорт 26 хувиар, төмрийн хүдрийн экспорт 4 хувиар өссөн нь экспортын орлого нэмэгдэхэд голлон нөлөөлсөн гэв. Мөн гадаад валютын нөөц 5.0 тэрбум ам.долларт хүрч, тогтвортой байдал хадгалагдаж байгааг тэмдэглэлээ.

Засгийн газраас уул уурхайн төрийн өмчит компаниудад өгсөн чиглэлийн хэрэгжилтийн талаар “Эрдэнэс Монгол” нэгдлийн гүйцэтгэх захирал С.Наранцогт мэдээлэл хийв. Тэрбээр:

• Экспортын орлогыг 442.5 сая ам.доллараар нэмэгдүүлэх,

• 137.2 сая ам.долларын хөрөнгө оруулалтыг хойшлуулах замаар нийт 580 сая ам.доллар төвлөрүүлэх,

• 220 сая ам.долларын хөрөнгө оруулалт татах,

• 200 сая ам.долларын “ногоон зээл”-ийн урьдчилгаа санхүүжилт босгох,
  гэсэн зорилт тавьж, нийт 1 тэрбум ам.доллараар валютын нөөцийг нэмэгдүүлэх чиглэлд ажиллаж байгааг онцолжээ.

Хуралдааны үеэр:

• Агуулга багатай нүүрс, төмрийн хүдрийг биржээр арилжаалах боломж,

• Орон нутгийн чанартай автозамын тээврийн нөхцөл бүрдүүлэх асуудлыг хэлэлцэж,

• Эдгээрийг Засгийн газрын хуралдаанд танилцуулахаар болсон байна.

Энэхүү арга хэмжээ нь эдийн засгийн тогтвортой байдал, төлбөрийн тэнцлийг дэмжих, хөрөнгө оруулалтын орчныг сайжруулахад чиглэж буй стратегийн чухал алхам юм.

Эх сурвалж: Сангийн яам, “Эрдэнэс Монгол” нэгдэл.