Улаанбаатар хотын авто замын хөдөлгөөний ачааллыг бууруулах, нийтийн тээврийн урсгалын хурдыг нэмэгдүүлэх, хотын дэд бүтцийг шинэчлэх зорилгоор хэрэгжүүлж буй 24 мега төслийн хүрээнд нийслэлийн хэмжээнд 18 байршилд олон түвшний уулзвар барихаар төлөвлөжээ.

Төслийн хүрээнд нийт 9000 метр авто зам, 4500 метр урт нүхэн гарц баригдах бөгөөд энэ нь Улаанбаатар хотын төвийн бүсэд замын хөдөлгөөний дундаж хурдыг 7.1 хувиар нэмэгдүүлэх тооцоотой байна. Төслийг 2025-2028 онд хэрэгжүүлнэ.

Олон түвшний уулзвар барихаар төлөвлөсөн гол байршлуудад:

• Баруун 4 зам

• Саппоро

• Механик инженерийн сургууль

• Төв шуудан

• Гэсэр сүм

• Баянбүрд

• 32-ын тойрог

• 17 дугаар сургуулийн уулзвар

• Гадаад хэргийн яам

• Зүүн 4 зам

• Их Монгол гудамж зэрэг багтжээ.

Тус бүтээн байгуулалт нь замын түгжрэлийг бууруулж, авто замын сүлжээг олон улсын жишигт нийцүүлэн хөгжүүлэх, иргэдийн цаг хугацааг хэмнэх, эдийн засгийн эргэлтийг түргэтгэх зэрэг олон талын стратегийн ач холбогдол бүхий төсөл хэмээн тодорхойлогдож байна.

Эх сурвалж: НЗДТГ.