БНСУ-ын Үндсэн хуулийн цэцийн мэдээлснээр Ерөнхийлөгч Юн Сок Ёлыг огцруулах эсэх асуудлыг хэлэлцэх шүүх хурал дөрөвдүгээр сарын 4-ний өглөө 11:00 цагт болох бөгөөд уг хурлыг телевизээр шууд дамжуулан, олон нийтийг ажиглагчаар оролцуулах юм байна.

Ёнхап агентлаг уг шүүхийн шийдвэр гарах өдөр улсын хэмжээнд 20 мянган цагдаагийн албан хаагч ажиллахаар төлөвлөснийг мэдээлжээ. Энэ өдөр улс төрийн нөхцөл байдал хурцдаж болзошгүй тул томоохон хот, ялангуяа Сөүл хотын Шичон болон Юнсан дүүрэгт жагсаал, цуглаан идэвхжих хандлагатай байна.

Иймд Монгол Улсаас БНСУ-д суугаа Элчин сайдын яамнаас дараах зөвлөмжийг хүргэж байна:

• Ойрын өдрүүдэд дээрх дүүргүүдэд зорчихгүй байх,

• Гадуур зайлшгүй гарах бол сонор сэрэмжтэй байх, олон нийтийн газраар дагаж мөрдөх журмыг баримтлах.

Шаардлагатай тохиолдолд иргэд 010-9595-3464 дугаарын шуурхай утсаар Элчин сайдын яамтай холбогдох боломжтой.

Эх сурвалж: БНСУ дахь Монгол Улсын ЭСЯ, Ёнхап агентлаг