УИХ-ын Хууль зүйн байнгын хорооны өнөөдрийн хуралдаанаар Үндсэн хуулийн цэцийн 2025 оны 01 дүгээр дүгнэлтийг хэлэлцэж, хүлээн зөвшөөрөх нь зүйтэй гэж үзлээ.
Үндсэн хуулийн цэц энэ оны нэгдүгээр сарын 15-нд дунд суудлын хуралдаанаараа Монгол Улсын Их Хурлын сонгуулийн тухай хуулийн 31 дүгээр зүйлийн 31.2, 31.3, 31.4 дэх хэсэг нь Үндсэн хуулийг зөрчсөн эсэх маргааныг хэлэлцсэн байна.
Тус хуулийн 31.2 дахь хэсэгт:
"Бие даан нэр дэвшүүлэгч нь Сонгуулийн ерөнхий хорооноос баталсан маягтад тухайн сонгуулийн тойргийн 801-ээс доошгүй тооны сонгогчдын гарын үсгийг зуруулна" гэсэн заалт нь:
- Үндсэн хуулийн 10 дугаар зүйлийн 3 дахь хэсэг,
- 14 дүгээр зүйлийн 1, 2 дахь хэсэг,
- Арван зургадугаар зүйлийн 9 дэх заалт-ыг тус тус зөрчсөн гэж Цэц үзжээ.
Иймд Үндсэн хуулийн цэц 2025 оны нэгдүгээр сарын 15-ны өдрөөс эхлэн уг заалтыг түдгэлзүүлэх шийдвэр гаргасан байна.
Холбогдох журмын дагуу санал хураалт явуулахад Байнгын хорооны гишүүдийн олонх уг дүгнэлтийг хүлээн зөвшөөрөх нь зүйтэй гэж үзсэн бөгөөд энэ талаарх санал, дүгнэлтийг чуулганы нэгдсэн хуралдаанд танилцуулахаар болжээ.
