Аймаг, нийслэл, сум, дүүргийн Иргэдийн Төлөөлөгчдийн Хурлын (ИТХ) нөхөн сонгууль 2024 оны зургаадугаар сарын 22-нд зохион байгуулагдахаар болжээ.
Сонгуулийн ерөнхий хороо энэ оны нэгдүгээр сарын 16-ны өдрийн 01 дүгээр тогтоолоор “Аймаг, нийслэл, сум, дүүргийн иргэдийн Төлөөлөгчдийн Хурлын нөхөн сонгуулийн үйл ажиллагааг зохион байгуулах цаг хугацааны хуваарь”-ийг баталсан байна.
Цаг хугацааны хуваарийн дагуу:
- Нам, эвсэл энэ оны дөрөвдүгээр сарын 16-ны өдрөөс өмнө,
- Бие даан нэр дэвшигч дөрөвдүгээр сарын 29-ний өдрөөс өмнө
сонгуулийн мөрийн хөтөлбөр болон хандивын тайлангаа төрийн аудитын байгууллагын орон нутаг дахь салбар байгууллагад хүргүүлэх ёстой.
Сонгуулийн ерөнхий хороо дээрх мэдээллийг улс төрийн намуудад албан бичгээр хүргүүлсэн байна.
