Монгол Улсын Ерөнхийлөгч У.Хүрэлсүхийн Бүгд Найрамдах Чех Улсад хийж буй төрийн айлчлалын хүрээнд Монголын 100 гаруй бизнес эрхлэгч Прага хотноо зохион байгуулагдаж буй Монгол-Чехийн бизнес форумд оролцож байна.

Бизнес форумын зорилго

Энэхүү форум нь Монгол, Чехийн бизнес эрхлэгчдийн хамтын ажиллагааг өргөжүүлж, хүнс, хөдөө аж ахуй, хөнгөн үйлдвэр, эрүүл мэнд, боловсрол, уул уурхай, эрчим хүч зэрэг салбарт түншлэл байгуулах, бизнесийн шинэ боломжийг эрэлхийлэхэд чиглэж байна.

Монголын компаниуд Чехийн үйлдвэрүүдтэй танилцав

Монголын бизнес төлөөлөгчид өнөөдөр гурван хэсэгт хуваагдан бизнес аялал хийсэн бөгөөд:

• Эхний бүлэг Прага хотоос холгүй орших дэлхийд алдартай даавууны үйлдвэртэй танилцав.
• Хоёр дахь бүлэг мах, махан бүтээгдэхүүний үйлдвэрт зочилж, туршлага солилцжээ.

Чехийн даавууны үйлдвэрлэлийн туршлага

Монголын төлөөлөгчид БНЧУ-ын хамгийн том "Nova Mosilana" даавууны үйлдвэрт зочилсон байна. Тус үйлдвэр нь 100 жилийн түүхтэй, жилд 9 сая метр даавуу үйлдвэрлэх хүчин чадалтай бөгөөд Италийн алдартай брэндүүдийн гол түүхий эд нийлүүлэгч гэдгээрээ онцлог аж.

Монгол-Чехийн бизнес форум өнөөдөр Прага хотноо албан ёсоор эхэлнэ.

Эх сурвалж: Монголын Үндэсний Худалдаа Аж Үйлдвэрийн Танхим (МҮХАҮТ)