Монголын уламжлалт Цагаан сарын баяртай холбоотойгоор 2024 оны 2 дугаар сарын 22-ноос 27-ны өдрийг дуустал Улаанбаатар хотын замын хөдөлгөөнд улсын дугаарын сүүлийн орон тэгш, сондгойгоор зорчих зохицуулалт хийнэ.

Замын хөдөлгөөний хязгаарлалтын зохицуулалт

• 2-р сарын 22: Сондгой тоогоор төгссөн улсын дугаартай тээврийн хэрэгслүүд
• 2-р сарын 23: Тэгш тоогоор төгссөн тээврийн хэрэгслүүд
• 2-р сарын 24: Сондгой тоогоор төгссөн тээврийн хэрэгслүүд
• 2-р сарын 25: Тэгш тоогоор төгссөн тээврийн хэрэгслүүд
• 2-р сарын 26: Сондгой тоогоор төгссөн тээврийн хэрэгслүүд
• 2-р сарын 27: Тэгш тоогоор төгссөн тээврийн хэрэгслүүд

Цагийн хязгаарлалт: Өглөөний 08:00-20:00 цаг хүртэл хүчинтэй.

Тус арга хэмжээг хэрэгжүүлэх шийдвэр нь иргэдийн санал асуулгын үр дүнд үндэслэсэн бөгөөд нийт санал өгсөн иргэдийн 68% нь тэгш, сондгойгоор хөдөлгөөнд оролцуулахыг дэмжсэн бол 24% нь эсэргүүцсэн байна.

Хязгаарлалтад хамрагдахгүй тээврийн хэрэгслүүд:

• Гадаадын зочин төлөөлөгчдийн автомашин
• Дипломат байгууллагын тээврийн хэрэгсэл
• Банкны болон хэвлэл мэдээллийн байгууллагын таних тэмдэгтэй автомашинууд
• Сургууль, цэцэрлэгийн багш, ажилчдын албаны унаа

Бүсчлэлд нэмэгдсэн шинэчлэлтүүд:

• 5 шарын уулзвараас Чулууновооны уулзвар хүртэл
• Мисийн уулзвараас 19-ийн үйлчилгээний төвийн Дунд голын зам
• Махатма Гандигийн гудамж
• Имартын уулзвар хүртэлх зам

Өмнө нь хэрэгжиж байсан тэгш, сондгой хязгаарлалтын үед замын ачаалал дунджаар 44-45%-иар буурч байсан тул энэ удаад мөн замын түгжрэлийг бууруулах гол арга хэмжээ байх болно гэж холбогдох албаныхан онцоллоо.

Иргэд хууль, журам мөрдөж, соёлтой оролцохыг цагдаагийн байгууллагаас уриалав.

Эх сурвалж: Нийслэлийн Автозамын түгжрэлийг бууруулах төсөл, хөтөлбөрийн зохицуулагч Д.Бадарсан, Тээврийн цагдаагийн алба, ЗХУТ