Прокурорын байгууллага 2025 оны 01 дүгээр сарын 27-ноос 31-ний өдрийг хүртэл хугацаанд хэрэг бүртгэлтийн 48,261, мөрдөн байцаалтын 2,704 хэрэгт хяналт тавьж, эрүүгийн 223 хэрэгт яллах дүгнэлт үйлдэн шүүхэд шилжүүллээ.
Яллах дүгнэлт үйлдсэн хэргүүд:
- Эрүүл мэндийн халдашгүй байдлын эсрэг – 92
- Өмчлөх эрхийн эсрэг – 57
- Хөдөлгөөний аюулгүй байдал, тээврийн хэрэгслийн ашиглалтын журмын эсрэг – 48
- Хүний бэлгийн эрх чөлөө, халдашгүй байдлын эсрэг – 9
- Хүний амьд явах эрхийн эсрэг – 5
- Хүрээлэн байгаа орчны эсрэг – 5
- Мансууруулах эм, сэтгэцэд нөлөөт бодисыг хууль бусаар ашиглах – 4
- Авлига, албан тушаалын – 2
- Улсын хилээр барааг хууль бусаар нэвтрүүлэх – 1
Шүүхэд шилжүүлсэн зарим хэргээс дурдвал:
-
Нийслэлийн прокурорын газраас: “Ч” ОНӨААТҮГ-ын албан тушаалтан Г.Ч нь байгууллагын үндсэн хөрөнгөд бүртгэлтэй 450 мкв талбайн хэмжээтэй барилгыг Нийслэлийн Иргэдийн Төлөөлөгчдийн хурлын тэргүүлэгчдийн хурлаар хэлэлцүүлэлгүйгээр нураах шийдвэр гаргаж, “С” ХХК-д орон сууц барих нөхцөлийг бүрдүүлж, давуу байдал бий болгосон хэрэгт яллах дүгнэлт үйлдэн Багахангай, Налайх дүүргийн эрүүгийн хэргийн анхан шатны тойргийн шүүхэд шилжүүлсэн.
-
Сэлэнгэ аймгийн Сайхан сум дахь сум дундын прокурорын газраас: Иргэн Б.Т нь тус аймгийн нутаг дэвсгэрт тусгай зөвшөөрөлгүйгээр ашигт малтмалын эрэл хайгуул, олборлолт явуулсан хэрэгт яллах дүгнэлт үйлдэн тус сум дахь сум дундын анхан шатны шүүхэд шилжүүлсэн.
-
Дорноговь аймгийн Замын-Үүд сум дахь сум дундын прокурорын газраас: Иргэн С.П нь байлдааны зориулалттай сумыг улсын хилээр хууль бусаар нэвтрүүлсэн хэрэгт яллах дүгнэлт үйлдэн тус сум дахь сум дундын шүүхэд шилжүүлжээ.
Прокурорын байгууллагаас хэрэг бүртгэлт, мөрдөн байцаалтын шатанд хяналт тавих ажлыг үргэлжлүүлэн, хууль сахиулах ажиллагааг сайжруулах зорилт тавин ажиллаж байна.
