Стандарт, хэмжил зүйн салбарын удирдах ажилтны зөвлөгөөн хоёр дахь өдрөө үргэлжилж байна. 21 аймаг, нийслэлийн 9 дүүргийн салбарын удирдлагууд оролцож буй тус зөвлөгөөнд хууль, эрх зүйн орчныг сайжруулах зорилтыг дэвшүүлжээ.
Шинэчлэл ба хөрөнгө оруулалт
- 2025 онд “Стандарчлал, техникийн зохицуулалт, тохирлын үнэлгээний итгэмжлэлийн тухай хуулийн шинэчилсэн найруулга”-ыг УИХ-ын хаврын чуулганаар хэлэлцүүлэх зорилготой.
- Одоогоор 6700 гаруй стандарт мөрдөгдөж буйгаас 44.8 хувь нь олон улсын түвшинд хүрсэн.
- Өнгөрсөн онд 3.4 тэрбум төгрөгийн хөрөнгө оруулалт хийж, хийн тоолуур шалгаж баталгаажуулах лаборатори Монгол Улсад анх удаа байгуулагдсан.
- Орон нутгийн 11 аймагт 484 сая төгрөгийн санхүүжилт шийдвэрлэж, физик, химийн болон уртын хэмжих хэрэгслийг шалгах лабораториуд байгуулжээ.
Хүнсний аюулгүй байдал сайжирч байна
- Хүнсний аюулгүй байдлын үндэсний лавлагаа лаборатори пестицидийн үлдэгдлийг 100 хувь тодорхойлох чадамжтай болсон.
- Импортын бараа, бүтээгдэхүүнийг хиймэл оюун ухаан дээр суурилсан нэгдсэн системд шилжүүлэх ажлыг эхлүүлнэ.
Засгийн газрын байр суурь
Зөвлөгөөний нээлтэд оролцсон Шадар сайд С.Амарсайхан:
- “Нэг улс – Нэгдсэн стандарт” хөтөлбөрийг хэрэгжүүлэх,
- Стандартын нэгдсэн тогтолцоог бэхжүүлэх,
- Хэмжил зүйн чадавхыг нэмэгдүүлэх,
- Хяналт, шалгалтын үйл ажиллагааг мэргэжлийн түвшинд сайжруулах шаардлагатайг онцоллоо.
Тэрбээр стратегийн бүтээгдэхүүн, үйлчилгээний аюулгүй байдлыг хангах, бүсчилсэн хөгжлийн бодлогыг хэрэгжүүлэхийн тулд стандартын шинэ загвар нэвтрүүлэхийг зорьж буйг тодотгов.
Цаашдын зорилт
- Нийгэм, эдийн засгийн хөгжлийг хурдасгах
- Үндэсний үйлдвэрлэлийг хөгжүүлэх
- Төрийн үйлчилгээ, хяналтын тогтолцоог стандартын шаардлагад нийцүүлэх
Энэхүү зөвлөгөөн нь стандарт, хэмжил зүйн салбарыг шинэ шатанд гаргах, хууль эрх зүйн орчныг сайжруулах чухал ач холбогдолтой болж байна.
