УИХ-ын Хууль зүйн байнгын хорооны дарга Д.Цогтбаатар намрын чуулганы үйл ажиллагааны тайлангаа танилцуулж, тус хугацаанд хүний эрх, эрх чөлөөг хангах, хамгаалах асуудалд онцгойлон анхаарч ажилласан гэдгийг онцлов.
Байнгын хорооны үйл ажиллагаа
- 11 удаагийн бие даасан хуралдаан, бусад Байнгын хороотой 3 хамтарсан хуралдаан зохион байгуулсан.
- 29 асуудлын хүрээнд
- 10 хуулийн төсөл
- УИХ-ын 5 тогтоолын төсөл
- Ерөнхийлөгчийн 1 хориг
- 11 Байнгын хорооны тогтоолын төсөл хэлэлцжээ.
- 3 ажлын хэсэг байгуулж, 10 удаа хуралдан, 4 танилцуулга бэлтгэн Байнгын хорооны хуралдаанаар хэлэлцүүлсэн байна.
Үндсэн хуулийн цэцийн дүгнэлтийг хэлэлцэв
- Үндсэн хуулийн цэцээс 2 дүгнэлт ирүүлснийг тухай бүр нь шийдвэрлэсэн.
- Цагдаагийн албаны тухай хуулийн 26.2 дахь хэсэг Үндсэн хуулийг зөрчсөн эсэх маргааныг хэлэлцэв.
Цагдаагийн алба хаагч иргэнийг саатуулах хугацааны өөрчлөлт
Өмнө нь цагдаагийн алба хаагч иргэнийг түр саатуулах байранд хүргэснээс хойш 6 цаг тооцох зохицуулалттай байсан.
- Энэ нь хүний эрхийн ноцтой зөрчил үүсгэх эрсдэлтэй гэж үзэж,
- Иргэнийг саатуулсан цагаас нь эхлэн 6 цагийн хугацааг тооцох байдлаар өөрчлөлт оруулжээ.
Цагдаагийн алба хаагчдын үйлдвэрчний эвлэлийн гишүүнчлэл
- Үйлдвэрчний эвлэлд гишүүнээр элсэх,
- Албан дотор аль нэг нам, үйлдвэрчний эвлэлийн үйл ажиллагааг сурталчлах, дэмжихийг хориглох заалтын талаар Үндсэн хуулийн цэцийн дүгнэлтийг хэлэлцэв.
- Иргэдийн олон нийтийн байгууллага байгуулах, эвлэлдэн нэгдэх эрхийг хангах үүднээс хуульд холбогдох өөрчлөлт оруулахаар ажиллаж байна.
