“Тамхины хяналтын тухай хуулийн хэрэгжилт, тулгамдаж буй асуудал” сэдэвт хэлэлцүүлэг өчигдөр өндөрлөж, олон улсын туршлага, судалгааны мэдээллийг солилцсон байна.

🔹 ДЭМБ-ын зөвлөмж

• Электрон тамхи нь олон төрлийн хэлбэртэй болж, хүүхэд, залуусыг татах аюултай болсон.
• Никотин агуулаагүй гэх зарим бүтээгдэхүүн үнэн хэрэгтээ донтуулах бодис агуулдаг.
• ДЭМБ улс орнуудад электрон тамхийг хориглох зөвлөмж өгч байна.

🔹 Олон улсын туршлага

• Австрали улсад электрон тамхи худалдаалах, сурталчлахыг хориглож, хатуу зохицуулалт хэрэгжүүлж эхэлсэн.
• 2024 оны нэгдүгээр сараас Австрали улсад никотин агуулсан эсэхээс үл хамааран дотооддоо үйлдвэрлэхийг бүрэн хоригложээ.

🔹 Хууль, зохицуулалтын өөрчлөлт

• УИХ-ын ажлын хэсэг Тамхины хяналтын тухай хуульд нэмэлт, өөрчлөлт оруулах шаардлагатай эсэхийг судалж байна.
• Электрон тамхины хэрэглээ, борлуулалтыг илүү хатуу хянах боломжуудыг хэлэлцлээ.

Эх сурвалж: УИХ-ын Хэвлэл мэдээллийн газар