Дорноговь аймгийн Даланжаргалан сумын төвөөс зүүн хойд зүгт есөн километрийн зайд орших 25 дугаар зөрлөгт ачааны автомашинд ачсан нүүрс шатаж байна гэсэн дуудлагыг Онцгой байдлын алба нэгдүгээр сарын 27-ны 21:26 цагт хүлээн авчээ.

Дуудлагын дагуу тус аймгийн Онцгой байдлын газрын Айраг сум дахь 23 дугаар ангийн алба хаагчид очиход Замын-Үүд сумын чиглэлд нүүрс тээвэрлэж байсан иргэн Б-гийн ND-4250 загварын зүтгүүрийн тэвшний зургаан дугуй болон 25 тонн нүүрс шатаж байсныг ажиллаж унтраасан байна.

Жолооч та бүхэн алс замд тээвэрт явахдаа болзошгүй эрсдэлээс сэргийлж, машины ойролцоо ил гал гаргахгүй байх, тээврийн хэрэгслийн бүрэн бүтэн байдлыг хангах, тээвэрлэж буй ачаагаа ямагт шалгаж байхыг анхааруулж байна.

Эх сурвалж: Онцгой Байдлын Ерөнхий Газар

Эх сурвалжууд