Дархан сум улсын зэрэглэлтэй хот болох, хотын статусаа эргэн сэргээх зорилт дэвшүүлэн үндсэн хуульд өөрчлөлт оруулах, УИХ-аар хэлэлцүүлэх зэрэг ажлыг зохион байгуулж ирсэн. Тэгвэл хотын соёлд шилжихийн тулд иргэдэд ээлтэй, аюулгүй орчныг бүрдүүлэхээс гадна нийтийн тээврийн хүртээмжтэй байдал чухал гэдгийг салбарын мэргэжилтнүүд онцолж байна.

Тиймээс 2013 оноос эхлэн Дархан сумын иргэдэд үйлчилж эхэлсэн нийтийн тээвэр буюу том оврын автобусны үйлчилгээг шат дараатайгаар сайжруулж байна.

Парк шинэчлэлийн ажлыг өнгөрсөн онд улсын төсвийн хөрөнгө оруулалтаар хийж, 20 ширхэг цахилгаан автобусыг эргэн төлөх нөхцөлтэйгөөр “Элит хөгжил ХХК” -д хүлээлгэн өгч нийтийн тээврийн үйлчилгээг сэргээсэн.

Харин “Элит хөгжил" ХХК-ийн удирдлагууд нийтийн тээврийн үйлчилгээнд шинэчлэл хийж төлбөрийн системийг аппликейшнаар дамжуулан цахимжуулах ажлыг хийж байна гэж аймгийн ИТХ-ын зөвлөгөөн дээр танилцуулсан мэдээлэлдээ тодотголоо

Энэ оны нэгдүгээр улиралд багтаан тус аппликейшныг ашиглалтад оруулахаар ажиллаж байна. Ингэснээр иргэд нийтийн тээврийн үйлчилгээний маршрут,  хаана явж байгааг харах, иргэний ойролцоох автобусны зогсоолд хэзээ ирэхийг харахаас гадна үйлчилгээний төлбөрөө төлөх боломжтой гэж "Элит хөгжил" ХХК-ийн захирал З.Бадрал мэдэгдлээ.

Төлөөлөгчдийн зүгээс автобусны зогсоол, такси үйлчилгээний авто зогсоолыг ялгах, автозамын хөдөлгөөнд саад учруулахгүй байх тал дээр анхаарч ажиллахыг аймгийн Авто тээврийн төвийн дарга, улсын хяналтын байцаагч нарт хэлж, орон нутгийн зүгээс нийтийн тээврийн зогсоолыг нэмэгдүүлэхэд анхаарч төсөв нэмж батлах боломжтой эсэх талаар судл