Дундговь аймаг дахь төрийн албаны салбар зөвлөлөөс нэгдүгээр сарын 14-нд төрийн жинхэнэ албаны ахлах түшмэлийн албан тушаалын сул орон тоог нөхөх тусгай шалгалт зохион байгууллаа.
Төрийн албаны салбар зөвлөлийн мэдээлснээр шалгаруулалтад оролцохоор зургаан иргэн бүртгүүлж шалгалт өгснөөс 5 нь тэнцсэн байна. Харин өнөөдөр дэс түшмэлийн ангиллын гүйцэтгэх албан тушаалын шалгалт авч байна.
Дундговь аймгийн хэмжээнд ахлах түшмэлийн ангиллын 3 байгууллагын 3 ажлын байранд, дэс түшмэлийн ангиллын удирдах албан тушаалд 3 байгууллагын 4 ажлын байранд, дэс түшмэлийн ангиллын албан тушаалд 15 байгууллагын 18 ажлын байранд, тус тус шалгаруулах ба шалгалтад оролцохоор 22 хүний бүртгэлийг баталгаажуулсан байна.
Эх сурвалж: МОНЦАМЭ
