“Утааны сонсгол хийцгээе! төсвийн зарцуулалтад хяналт, үнэлгээ хийж, сайжруулцгаая!" цахим өргөдлийн гарын үсгийн тоо өчигдрөөс эрс нэмэгдэж байна. 

Өнгөрөгч арваннэгдүгээр сарын 25-нд иргэн Б.Мөнгөнхишиг нийтийн өргөдөл гомдлын системд “Утааны сонсгол хийцгээе! төсвийн зарцуулалтад хяналт, үнэлгээ хийж, сайжруулцгаая!" сэдэвт өргөдлийг үүсгэж иргэдээс гарын үсэг цуглуулж эхэлсэн. Гарын үсэг цуглуулах хугацаа арванхоёрдугаар сарын 27-нд дуусна. 

Гарын үсгийн тоо өчигдөр буюу арванхоёрдугаар сарын 05-ны өдрөөс эрчимтэй өсч, өнөөдрийн  12 цагийн байдлаар 52 437 иргэн оролцоод байна. Цахим өргөдөлд хамгийн багадаа 70 мянган хүн оролцож, гарын үсгээ зурсны дараа энэ асуудлаар хяналт шалгалт явуулах боломж нээгдэж, сонсголыг явуулах юм байна.

Цахим өргөдөлд гарын үсэг зурах бол ЭНД дарж саналаа өгнө үү.

Өнөөдрийн байдлаар 52 437 хүн саналаа өгөөд байна.