Дэлхийн загварын ертөнцийн мэдээ, үйл явдлын тэргүүн сайт Models.com мэргэжлийн "Top Sexiest Models" (жагсаалтад 37 модель оржээ) чансааг шинээр гаргасан байна. Ийм чансааг 2014 онд анх гаргаж байсан билээ.
Энэ чансааг тогтооход эротик рекламын кампаниуд, тэдний шаардлага ба хамгийн алдартай гялбаа сэтгүүлүүдийн (V, Love, Vogue, GQ, Esquire, Sports Illustrated зэргийн) хавтасны зураг, мөн эрчүүдийн сэтгүүлд хичнээн удаа бичигдсэн зэргийг үнэлгээ болгон авч үзжээ.
Чансааны эхний байрыг 11 дэх удаагаа дараалан 37 настай, дэлхийн хамгийн өндөр өртөгтэй, Бразилийн модель Адриана Лима эзэлжээ. Хоёрдугаарт нь мөн Бразили бүсгүй болох алдарт модел 37 настай Алессандра Амбросио орсон байна. Анх удаагаа “шагналт” гуравдугаар байрт орос модель, 32 настай Анна Вьялицына шалгарчээ.
Чансааны дөрөвт “баялаг галбиртай”, 30 настай америк бүсгүй Эшли Грэм байгаа. Түүнээс гадна эхний топ 10-т бас нэг америк бүсгүй "plus size" Кэндис Хаффин багтсан юм.
Израилийн 33 настай модель Бар Рафаэли өмнөх чансааны тавдугаар байраа хадгалжээ. Чансааны 10 гоо бүсгүй нь АНУ-д, долоо нь Бразилид, дөрөв нь Нидерландад төрсөн байна. Израиль, ӨАБНУ, Намиби, Швед, Герман, Канад, Португали, Бельгиэс тус бүр хоёр моделийг энд багтжээ. Чансааны ихэнх секси моделиуд АНУ-д ажилладаг байна.
Чансааны топууд бараг бүгд Victoria's Secret брэндийн “сахиусан тэнгэрүүд” байсан ба тэдний олонхи нь Pirelli эротик хуанлид буусан байна.
Б.Туяа
