АНУ-ын сансар судлалын НАСА агентлагийн "Artemis II" хөтөлбөрийн сансрын нисэгчид хөлгийнхөө хөдөлгүүрийг амжилттай асааж, Дэлхийн тойрог замаас гаран Сарыг чиглэн хөдөллөө. Энэхүү чухал маневрыг пүрэв гарагт гүйцэтгэснээр Сарыг тойрох түүхэн аялал албан ёсоор эхэлснийг Хьюстон дахь Удирдлагын төвөөс мэдээлжээ.
АНУ-ын гурав, Канадын нэг нисэгчээс бүрдсэн баг ийнхүү хөлгийнхөө үндсэн хөдөлгүүрийг асааж, Сарны тойрог зам руу орох маневр хийснээр 1972 оны "Аpollo 17" хөтөлбөрөөс хойш буюу хагас зуун жилийн дараа Сарны орчимд болж байгаа юм.
"Оrion" хөлгийн үндсэн хөдөлгүүрүүд ажиллаж, Сар луу чиглүүлэх хүчтэй түлхэлтийг өгснөөр 1972 онд "Аpollo 17" хөлгөөс хойш хагас зуу гаруй жилийн дараа АНУ-ын гурав, Канадын нэг нисэгчээс бүрдсэн баг анх удаа Сарыг тойрон нисэх зам руу орууллаа.
Нийт 10 хоног үргэлжлэх тус даалгаврын хүрээнд хөлгийн баг дэлхийгээс 406 мянган км хол зайд очих бөгөөд энэ нь хүн төрөлхтний түүхэнд сансарт аялсан хамгийн хол зай болох бөгөөд 1970 оны "Аpollo 13" хөлгийн тогтоосон дээд амжилтыг шинэчлэх ажээ.
Хөлгийн дарга Рид Вайзман, нисэгч Виктор Гловер, Кристина Кох болон Жереми Хансен нар Сарыг тойрон 6400 орчим км-ын зайтай ниссэнийхээ дараа Саран дээр буухгүйгээр эх Дэлхийдээ эргэн ирнэ.
