УИХ-аас согтуурсан, мансуурсан үедээ тээврийн хэрэгсэл жолоодохтой холбоотой зөрчил, эрүүгийн хариуцлагад оногдуулах ялын бодлогыг чангатган Эрүүгийн хуулийн тусгай ангийн 27.10 дугаар зүйлийн 5 дахь хэсэгт нэмэлт, өөрчлөлт оруулан баталж, энэ оны нэгдүгээр сарын 1-ний өдрөөс мөрдөгдөж эхэлсэн.

Тээврийн Цагдаагийн Албанаас мэдээлснээр 2024 оны эхний дөрвөн сарын байдлаар Эрүүгийн хуулийн тусгай ангийн 27.10 дугаар зүйлийн 5 дахь хэсэгт заасан буюу тээврийн хэрэгсэл жолоодох эрхээ хасуулсан хүн согтуурсан, мансуурсан үедээ тээврийн хэрэгсэл жолоодсон, эсхүл согтуурсан, мансуурсан эсэхийг зохих журмын дагуу шалгуулахаас зайлсхийсэн гэмт хэрэг улсын хэмжээнд 413 бүртгэгдсэнээс  орон нутагт 289 буюу 69.9 хувь, нийслэлд 124 буюу 30 хувийг эзэлжээ.

Нийт бүртгэгдсэн гэмт хэргийн холбогдогч нарын 366 буюу 88.6% эрэгтэй, 47 буюу 11.3% эмэгтэй хүн бол насны хувьд 20-35 настай 189 буюу 45.7 хувь, 36-54 настай, 186 буюу 45 хувь, 55 ба түүнээс дээш настай 38 /9.2%/ хүн байна.   

Нийслэлд бүртгэгдсэн 124 хэрэг үйлдэгдсэн нутаг дэвсгэр:

1. Хан-Уул дүүрэгт 20

2. Баянзүрх дүүрэгт 32

3. Баянгол дүүрэгт 15

4. Сүхбаатар дүүрэгт 23

5. Чингэлтэй дүүрэгт 14

6. Сонгинохайрхан дүүрэгт 16

7. Багануур дүүрэгт 3

8. Налайх дүүрэгт нэг хэрэг бүртгэгджээ.

Орон нутагт бүртгэгдсэн 289 хэрэг үйлдэгдсэн нутаг дэвсгэр:

1. Баян-Өлгий аймагт 9

2. Ховд аймагт 21

3. Увс аймагт 10

4. Хөвсгөл аймагт 21

5. Завхан аймагт 5

6. Архангай аймагт 10

7. Говь-Алтай аймагт 14

8. Баянхонгор аймагт 20

9. Булган аймагт 17

10. Өвөрхангай аймагт 34

11. Дундговь аймагт 4

12. Өмнөговь аймагт 28

13. Дархан-Уул аймагт 18

14. Сэлэнгэ аймагт 16

15. Орхон аймагт 13

16. Дорноговь аймагт 21

17. Сүхбаатар аймагт 19

18. Дорнод аймагт 15

19. Хэнтий аймагт 5

20. Төв аймагт 14

21. Говьсүмбэр аймагт 5 гэмт хэрэг бүртгэгдсэн байна.

"Тээврийн хэрэгсэл жолоодох эрхээ хасуулсан хүн согтуурсан, мансуурсан үедээ тээврийн хэрэгсэл жолоодсон зөрчлийг эрүүгийн гэмт хэрэгт тооцсоноор согтууруулах ундааны зүйл хэрэглэсэн үедээ тээврийн хэрэгсэл давтан жолоодсон үйлдэл өмнөх оны мөн үеэс 70.3 хувиар буурсан үзүүлэлт" гэж ТЦА-наас мэдээлэв.