Баянзүрх дүүргийн дөрөвдүгээр хороо, Намьянжугийн гудамжны авто замын хэсэгчилсэн засвар, шинэчлэлтийн ажлыг эхлүүлэх талаар мэдээллээ.
Нэгдүгээр хэсэг нь Зүүн дөрвөн замаас Халдвартын уулзвар хүртэлх авто замыг энэ сарын 29-ний өдрийн 22:00 цагаас дөрөвдүгээр сарын 30-ны өдрийн 23:00 цагийн хооронд хаахаар болжээ.
Тус хэсгийн авто замын асфальт бетон хучилт, тэмдэг тэмдэглэгээний ажлыг бүрэн хийж дууссаны дараа хоёрдугаар хэсгийн ажлыг эхлэх юм.
Хоёрдугаар хэсэг нь Халдвартын уулзвараас Нарантуул захын уулзвар хүртэлх авто замыг энэ сарын 30-ны өдрийн 23:00 цагаас тавдугаар сарын 2-ны өдрийн 06:00 цагийн хооронд засвар хийхээр болсон аж.
Тус ажлын хүрээнд тэгш байдал алдагдсан, суулт үүссэн авто замын хашлагыг асфальт бетон хучилтын түвшинд тааруулан засварлах, инженерийн шугам сүлжээний худгийн таг болон авто замын зорчих хэсгийг хүчитгэх асфальт бетон хучилтын ажил хийнэ.
Иймд иргэд, жолооч та бүхэн бусад замыг сонгон хөдөлгөөнд оролцоно уу.
НЗДТГ-ын Хэвлэл мэдээлэл, олон нийттэй харилцах хэлтэс
