Ардчилсан намын дарга Лу.Гантөмөр Бүгд найрамдах Турк Улсаас Монгол Улсад суух онц бөгөөд бүрэн эрхт элчин сайд Зафер Атештай албан ёсны уулзалт хийлээ.
Тус уулзалтад Ардчилсан намын дарга Лу.Гантөмөр, Тэргүүн дэд дарга С.Баярцогт, Ардчилсан намын дэд дарга Р.Эрдэнэбүрэн, Гадаад харилцааны дарга Ч.Халиун нар оролцож талууд хоёр орны хамтын ажиллагааг хэрхэн өргөжин тэлж буй талаар мэдээлэл солилцлоо.
Мөн улс төрийн намуудын хамтын ажиллагааг өргөжүүлэн тэлэх, гадаад худалдаа бизнесийн эргэлт өссөн тоон баримт, боловсрол, эрүүл мэндийн салбарт хамтын ажиллагаагаа тэлэх сонирхолтой байгааг талууд илэрхийлж, шинжлэх ухаан, технологи, инновацын салбарт хамтран ажиллаж илүү дэвшилтэт технологийг нэвтрүүлэн боловсронгуй болгох, хоёр орны найрсаг хамтын ажиллагааг улам бэхжүүлж ажиллах талаар санал солилцлоо.
