Ардчилсан намын Үндэсний бодлогын хорооны ээлжит бус хуралдаан Корпрейт конвэйншн центрт болж байна.
Энэ үеэр УИХ-ын гишүүн С.Одонтуяа "Намын дарга эмэгтэйчүүдийг сайн дэмжиж байгаа. Сонгуулийн тухай хуульд эмэгтэйчүүдийн оролцоог хуульчилсан учраас санаа зовохгүй байна.
Манай намын эмэгтэйчүүд аль ч шатанд идэвхтэй ажилладаг. Зөвлөлдөх зөвлөлийн хурал маргааш 14:00 цагт болно. Ардчилсан намыг бүх нэгдмэл байгаасай гэж хүсэж байгаа. Өнөөдрийн энэ хурлыг ийм уур амьсгалтай болгохын тулд ажиллалаа.
Санаа нийлдэг хүмүүс дор бүрнээ ажиллаж, АН-ын талаар ярилцаж байх нь зөв. Харин одоо бол намын даргатай болсон тул томилогдсон дэд дарга нар өөр өөрсдийн асуудлаа хариуцна. Сонгуульд нэгдмэл байдлаар л орох ёстой" хэмээв.
Харин АН-ын Ерөнхий нарийн бичгийн даргын асуудлаар "Ардчилсан эмэгтэйчүүдийн холбооныхон намын Ерөнхий нарийн бичгийн даргаар эмэгтэй хүн ажиллах нь зүйтэй гэсэн саналтай байгаа. Илүү чамбай ажиллана гэдэг утгаараа. Энэ асуудлыг уламжилсан. Гэхдээ олонхын саналаар шийднэ.
Бид УИХ-ын гишүүн асан, АН-ын стратеги бодлого судалгааны хүрээлэнгийн захирал З.Нарантуяаг нэр дэвшүүлэх бодолтой байгаа. Намын даргад албан ёсоор хэлсэн" гэв.
