Өнөөдөр 2023 оны долдугаар сарын 1-ний өдөр. 2008 оны УИХ-ын сонгуулийн дараа болсон долдугаар сарын 1-ний эмгэнэлт үйл явдлаас хойш 15 жил өнгөрч. Гэм зэмгүй таван хүний амь эрсдэж, хэдэн зуун залуус шоронгийн ялтан болсны дараа тухайн үеийн УИХ-аас ажлын хэсэг гарган хэрэг явлыг судалж, УИХ дээр нээлттэй сонсгол явуулж байлаа. Мөн энэхүү эмгэнэлт явдлыг дахин давтахгүйн тулд хууль хүчний байгууллага, УИХ, Засгийн газар ямар аррга хэмжээ авах ёстой талаар зөвлөмж хүргүүлж байж. Зөвлөмж гарснаас хойш 13 жил өнгөрсөн боловч энэ зөвлөмжиийн дагуу хийгдсэн ажил, авсан арга хэмжээ, гарсан үр дүн огт байхгүй тухай УИХ-ын гишүүн, Хууль зүйн сайд асан Х.Тэмүүжин өөрийн твиттер хуудсаар ийнхүү жиргэсэн байна.

Х.Тэмүүжин: "УИХ, Засгийн газарт, Ерөнхийлөгчид, Цагдаад шийдвэрлэх олон арга зам, шийдлийн тухай зөвлөмж хүргүүлж байлаа. Хожим Хуульзүйн сайдын ажлыг аваад цөөнгүй алхамыг нь хийж, хэрэгжүүлэх гэж оролдсон ч бүгд буцаад нурсан. Энэ зөвлөмжид дурьдагдсан олон зүйл одоо ч бахь байдгаараа байна. Өөрчилсөн бол өнөөдөр энэ улс орон огт өөр байх байлаа. Сохор, дүлий, харанхуй МАНгар төр ямар амь бөхтэй оршино вэ!"

Мөн NoWar хөдөлгөөнөөс өнөөдөр долдугаар сарын 1-ний хэргийн хохирогчдын дурсгалд зориулан "Эрх чөлөөний дуудлага" сэдвээр хэлэлцүүлэг зохион байгуулах юм байна. Хэлэлцүүлэг Хан-Уул дүүргийн 2-р хорооны "Мишээл цэцэрлэгт хүрээлэн"-д 18.00 цагт эхэлнэ.

Долдугаар сарын 1-ний  хэргээр УИХ-аас гаргасан дүгнэлт, зөвлөмжийг бүрэн эхээр нь нийтэллээ.