x

Францын ерөнхийлөгч Эмманюэл Макрон манай улсад айлчилна

Францын ерөнхийлөгч Эмманюэл Макрон тун удахгүй манай улсад айлчилна. Энэхүү төрийн өндөр дээд хэмжээний айлчлалын тов одоогоор албан ёсоор зарлагдаагүй ч akipress.com сайтад Эмманюэл Макроныг тавдугаар сарын сүүлээр Монгол Улсад очно гэж мэдээлжээ.

Тэгвэл албаны эх сурвалжуудын хэлж буйгаар Францын ерөнхийлөгч Эмманюэл Макрон энэ сарын 22-нд манай улсад ирэх ажээ. Тэрээр тавдугаар сарын 19-21-нд Японы Хирошима хотод болох "Их долоо"-гийн уулзалтад оролцох юм байна. Тэндээсээ залгуулаад Монгол Улсад хийх албан ёсны айлчлалаа эхлүүлэх бололтой.

Монгол Франц хоёр 58 жилийн түүхэн харилцаатай орнууд. Сүүлийн жилүүдэд төрийн өндөр дээд хэмжээний айлчлал хийгдээгүй. Иймд Эмманюэл Макроны энэ удаагийн айлчлалд хоёр улс маш их ач холбогдол өгч байгаа билээ. Ялангуяа эрчим хүчний салбарт нэлээд гэрээ, хэлэлцээр хийгдэх болов уу гэсэн хүлээлт бий.

Тухайлбал, ураны эрчим хүчийг ашиглах асуудлыг хөндөж, томоохон төсөл хөтөлбөрүүд хөдөлнө гэж судлаачид үзэж буй юм.

Тэгвэл Францын хамгийн залуу ерөнхийлөгч Э.Макрон гэж хэн бэ. Түүний туулж ирсэн амьдрал болоод улс төрийн замналыг сонирхуулъя. Эмч гэр бүлээс гаралтай тэрбээр 1977 онд төржээ. Парисын X-Нантеррийн их сургууль, Улс төрийн судалгааны хүрээлэн, Үндэсний Удирдлагын сургуулийг тус тус дүүргэжээ. Э.Макроны ажлын гараа сургуулиа төгсөөгүй байхад буюу 20 наснаас нь эхэлсэн тухай түүний намтарт өгүүлсэн байдаг. Ингэхдээ Францын нэрт сэтгэгч, гүн ухаантан Пол Рикёрийн туслахаар ажиллаж байв. Дараа нь 2004-2008 онд Эдийн засгийн яаманд байцаагчаар ажиллаж байгаад 2007 оноос хойш Жак Атталигаар ахлуулсан Францын өсөлтийг сайжруулах комиссын дэд илтгэгч болсон байна. Түүнийг “санхүүгийн Моцарт” гэж хочилдог байсан юм билээ. Учир нь "Roth­schild & Cie Banque"-д хөрөнгө оруулалтын асуудлыг чамбай эрхэлдэг байсантай нь холбож ийм хоч өгчээ. Эмманюэл Макрон 2012-2014 онд ерөнхийлөгч Олландын ерөнхий нарийн бичгийн даргын орлогчоор нь ажиллаж байсан. Уг албан тушаалаа 2014 оны долдугаар сарын 15-нд өгсөнөөс сарын дараа Эдийн засгийн сайдаар томилогдсон юм.

Эмманюэл Макроны улс төрийн замнал асар хурдтай өрнөж, өнөөдрийн өндөрлөгт хүрч чадсан болохоор европчууд түүнийг янз бүрээр дүгнэдэг. “Гялалзаж яваа улстөрч, сүрхий эдийн засагч” гэх үнэлэмжтэй зэрэгцэн гэр бүлийнх нь талаарх мэдээлэл олон нийтийн анхаарлаас мултарч чадаагүй. Учир нь тэрбээр өөрөөсөө 24 насаар эгч франц хэлнийхээ багш Брижит Троннётой 2007 гэрлэжээ.

Эмманюэл Макрон 2016 онд "Бүгд найрамдах улс урагшаа" улс төрийн намыг үүсгэн байгуулаад жилийн дотор Францын төрийн тэргүүнээр сонгогдсон чадварлаг улстөрч. Түүний сонгуулийн хөтөлбөр зүүний үзэлтэй байж. Хөдөлмөрийн хөлсний доод хэмжээг нэмж, бага орлоготой ажилчдын цалинг нэмэгдүүлэх, эрүүл мэндийн албан журмын даатгалаар төлөх үйлчилгээний өргөтгөл, багш, цагдаа нарын тоог нэмэгдүүлэх, хөдөө аж ахуйд хөрөнгө оруулалт хийх амлалтууд өгч байв. Эрх зүйн талаас хийх шинэчлэл нь хөдөлмөрийн зах зээлийг либералчлах, төрийн албан хаагчдын тэтгэврийн тэтгэмжийг халах, хамгийн чинээлэг иргэдийн татварыг бууруулах зэрэг мөрийн хөтөлбөр нь ард түмэнд таалагджээ.

Ийнхүү тэрээр 2017 онд Францын ерөнхийлөгчийнн сонгуульд 66.1 хувийн саналаар илүүрхэж, улсынхаа түүхэнд хамгийн залуу ерөнхийлөгч болж байв. Эмманюэл Макрон 2022 оны Ерөнхийлөгчийн сонгуульд дахин ялалт байгуулж, Францын төрийн тэргүүнээр улиран сонгогдоод байгаа билээ. 

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
Европын Холбооны ОХУ-аас эрчим хүчний хамаарлыг зогсоох төлөвлөгөөг Словак эсэргүүцлээ 1 цаг 50 мин Нийслэлийн ногоон бүсэд гал түймрийн эрсдэл нэн аюултай түвшинд хүрчээ 1 цаг 51 мин Нийслэлийн Ерөнхий менежер Г.Батзориг хариуцлагын асуудлыг онцлон анхаарууллаа 1 цаг 53 мин Хот, тосгоны эрх зүйн байдлын хуулийн хэрэгжих хугацааг нэг жилээр хойшлуулах хуулийн төсөл өргөн барив 1 цаг 54 мин Стратегийн орд газруудын төрийн эзэмшлийн асуудлыг судлах ажлын хэсэг байгуулагдлаа 1 цаг 55 мин Нийслэлийн ногоон бүс ой, хээрийн гал түймрийн өндөр эрсдэлтэй байна 1 цаг 57 мин Дөрөвдүгээр сард зөрчлийн тоо 18.1 хувиар өсжээ 1 цаг 58 мин Монгол хэл бичгийн шалгалтын дүн оноог зарлалаа 2 цаг 0 мин Монгол уулчид дэлхийн ноён оргилуудад авиралт хийж байна 2 цаг 1 мин Өргөн нэвтрүүлгийн хөгжил-2025 форум зохион байгуулагдлаа 2 цаг 2 мин Эрдэнэ сум электрон тамхины худалдааг хориглов 2 цаг 3 мин Завхан аймагт объектын гал түймрийн дунд эрсдэлтэй байдал үүсээд байна 2 цаг 5 мин Монгол, Казахстан хоёр улс тэтгэврийн асуудлаар хамтран ажиллах хэлэлцээрийн төслийг өргөн барив 2 цаг 7 мин Хот, тосгоны эрх зүйн байдлын хуулийг хэрэгжүүлэх хугацааг нэг жилээр хойшлуулах санал гаргалаа 2 цаг 8 мин Нагасаки хот бүх улс орон, бүс нутгийг энх тайвны ёслолд урина 2 цаг 9 мин Бүхэл үрийн хувьсгал: зүсэм талхаар нэг улс үндэстнийхээ хооллолтыг өөрчилж чаджээ 2 цаг 10 мин АНУ-аас анхны пап тодорч, Ромын Католик сүмийн 267 дахь тэргүүн боллоо 2 цаг 17 мин Монгол Улсын Ерөнхий аудиторыг томилсон УИХ-ын тогтоолыг танилцууллаа 2 цаг 19 мин "Тамхинаас татгалзъя, Ирээдүйгээ хамгаалъя" нөлөөллийн аян эхэллээ 5 цаг 35 мин Х.Булгантуяа: Тэтгэврийн зээлд төр гар дүрэх хэрэг байсан юм уу? 5 цаг 43 мин
iИх уншсан
Молотов-Риббэнтропын гэрээнээс дэлхийн дайн эхэлсэн Монголчууд фашизмыг ялсан баярыг тэмдэглэдэг болмоор байна Баавар Хэлэлцэгдэж байгаа хуулийн төсөл хэвлэн нийтлэх эрх чөлөөг х... Ерөнхийлөгчид дэвших таван мандатыг 22 горилогчийн хэн хэн н... ​Айл болгон өвчин зовлонтой тулж, ард нь гарах гэж сөхөрч ба... Трампын анхны 100 хоног: Тоо баримт, бодлого, нөлөө Райнэр Цитэлманн: Германд эрх чөлөө заналхийлэлд өртөж байна... АНУ болон Холбоотны тусламжаар ЗХУ дайнд ялсан нь О.Алтангэрэл: Хууль зүй, дотоод хэргийн асуудал нэг дороо ба... Д.Амарбаясгалангийн ЭФФЕКТ А.Ариунзаяа: Хүүхэд бэлгийн хүчирхийллийн хохирогч болох тох... 2025 оны 5 дугаар сарын нийгмийн халамжийн тэтгэвэр, тэтгэмж... Азид цор ганц “ханын зурагт бунхан” болох Шороон бумбагарын ... Дугуйтай хүүхдийг мөргөөд зугтсан жолоочийг олж тогтоохоор а... “Дугуйтай Улаанбаатар-2025”, “Баянзүрх марафон-2025” арга хэ... Хан-Уул дүүрэгт эзэнгүй нохой, муур асрах байр ажиллаж эхэлл... “Үндэсний бичиг үсгийн баяр-2025” орон даяар өргөн хүрээнд т... “Элсэлтийн шалгалт-2025”–ын математикийн нээлттэй даалгавруу... “Мерит” төсөл хэрэгжиж эхэллээ: Иргэн төвтэй төрийн албыг хө...
Top