УИХ-ын ээлжит бус чуулганыг өнөөдөр 10:00 цагт хуралдаад хаалтаа хийнэ.
УИХ-ын ээлжит бус чуулганы нэгдсэн хуралдааныг энэ сарын 22-ны өдөр Монгол Улсын Үндсэн хуульд оруулах өөрчлөлтийн төслийг хэлэлцэхээр зарласан юм.
Энэ тогтоолоор 2019 онд Үндсэн хуульд оруулсан нэмэлт өөрчлөлтийн гол заалтуудын нэг болох “... Ерөнхий сайд болон Засгийн газрын дөрвөөс илүүгүй гишүүн Улсын Их Хурлын гишүүний албан тушаалыг хавсарч болно...” гэдэг заалтыг хүчингүй болгосон юм.
Шинээр байгуулагдаж байгаа Засгийн газар нь бүрэлдэхүүний хувьд Ерөнхий сайд болон 21 гишүүнтэй, бүтцийн хувьд ерөнхий чиг үүргийн 4, чиглэлийн 12 яамтай байхаар боллоо.
Ийн Л.Оюун-Эрдэнийн Засгийн газрын шинэ бүрэлдэхүүнд ажиллах сайд нар өнөөдөр 11:40 цагт УИХ-ын танхимд тангараг өргөх юм.
Мөн өнөөдөр Боловсролын тухай хуулийн 42 дугаар зүйлийн 42.1 дэх хэсгийн хэрэгжилтийг хангах санал, дүгнэлтийн төсөл боловсруулах үүрэг бүхий Боловсрол, соёл, шинжлэх ухаан, спортын байнгын хорооны ажлын хэсгийн хуралдаан Төрийн ордонд болно.
