x

М.Энхсайхан ба Х.Баттулга: Тавантолгой ба Төмөр замын хэрэг

Ерөнхий сайд Л.Оюун-Эрдэнэ, Ерөнхийлөгч асан Х.Баттулга нарын дайн туйлдаа хүрч, “цус үсрэхэд” ойрхон болсон бололтой. Х.Баттулгаас санхүүжилттэй хэмээн хэвлэлээр бичигдэж байсан “Тусгаар тогтнол” хөдөлгөөний залуусыг “Зэвсэгт халдлагад бэлтгэж байсан байж болзошгүй” хэмээн үзэж, мягмар гаригийн орой тагнуулын байгууллагаас баривчлан саатуулжээ.

Гэвч тэдний хувьд Сүхбаатарын талбайд гарч, үймээн шуугиан дэгдээсэн анхны үйлдэл тохиолдол биш бөгөөд өнгөрөгч дөрөвдүгээр сард төв талбайд зохион байгуулсан суултынх нь үеэр Х.Баттулгын зөвлөх асан А.Гансүхийг эл явдлыг зохион байгуулсан, зэвсгээр хангасан байж болзошгүй хэмээн баривчилж байсан удаатай.

Эх сурвалжуудын мэдээлснээр А.Гансүхийг төмөр замын хэргээ бусадтай наймаалцсан, террорист ажиллагаа зохион байгуулахыг завдсан хэмээн буруутган шалгаж байсан хэргийг нь шүүхэд шилжүүлээд байгаа аж. Мөн нэр бүхий шүүгч /хонгилын гэж нэрлэгдээд байгаа/ нарт хахууль өгсөн хэргээр шалгагдаж байсан ҮАБЗ-ийн ажилтан асан, өмгөөлөгч Б.Баасанцогтын хэрэг ч бас шүүх рүү шилжсэн гэх

Товчхондоо эдгээр үйл явдалтай холбогдуулан тус хөдөлгөөнийхнийг зэвсэгт халдлага үйлдэхээр завдсан гэж тагнуулын байгууллага үзжээ. Харамсалтай нь, хэрэвзээ эдгээр мэдээлэл батлагдвал, уг хэрэг явдал А.Гансүх, Б.Баасанцогт нараар дуусахгүй нь тодорхой. Утасны үзүүр хааш нь хөтлөхийг олонхи нь гадарлаж байгаа.

Тодорхой болсон нэг зүйл бол, Зүүнбаян-Гашуунсухайт чиглэлийн төмөр зам 2008-2019 онд баригдаагүй шалтгаан, алдагдсан боломжийг тооцож, шалгалтын баг оруулах зэрэг ажлыг шуурхай зохион байгуулах үүргийг Ерөнхий Л.Оюун-Эрдэнэ өнгөрөгч долоо хоногт /2022.07.27/ хуралдсан Засгийн газрын хуралдаанаас Сангийн сайд, АТГ болон ЦЕГ-ын удирдлагуудад өгсөн. Энэ нь шууд утгаараа Х.Баттулгыг чиглэж буй хэрэг.

Уг нь эл хэргийг одоогоос зургаан жилийн өмнө хуулийн байгууллага анх шалгаж эхэлсэн боловч Х.Баттулгыг Ерөнхийлөгчид нэр дэвшиж, сонгогдсоны дараа уг хэргийг хаасан байдаг. Харин Х.Баттулга нь Ерөнхийлөгч болмогцоо “Тавантолгойн ордыг Хятадын компанид өгсөн” гэх өөр нэг хэргийг нээж, Ерөнхий сайд асан М.Энхсайханд ял сонсгосноор дууссан билээ.

Гэвч Ерөнхий сайд Л.Оюун-Эрдэнэ Х.Баттулгын өмнө шалгагдаж байсан төмөр замын хэргийг нээж, улсад учруулсан хохирлын талаар ярьж эхэлсэн нь санамсаргүй зүйл биш байх. Тэр тусмаа зөвхөн уг төслийг санхүүжүүлсэн “Чингис” бондын хөрөнгийг зарцуулалт, үр дүнг шалгахаар Сангийн яамнаас ажлын хэсэг гарсан, ирэх долоо хоногт тайлангаа мэдээлнэ гэдгийг Сангийн сайд Б.Жавхлан өчигдөр болсон Засгийн газрын хуралдааны дараа мэдээлжээ. Товчхондоо, Л.Оюун-Эрдэнийн Засгийн газар энэ хэрэг дээр бүх хүчээ тавьж эхэллээ гэсэн үг.

Нэгэн үе хуурай ах, дүү шиг явсан энэ хоёр хүний итгэл эвдрэлцсэн цаад шалтгааныг мэдэх боломжгүй ч ил харагдаж байгаа нөхцөл байдал гэвэл төмөр замыг гацааснаас болж өнгөрсөн арван жилд алдагдсан Монголын эдийн засгийн боломж, экспортын орлого. Зам тээврийн сайд асан (сүүлд Ерөнхийлөгч Х.Баттулгын зөвлөх, ҮАБЗ-ийн нарийн бичгийн даргаар ажиллаж байсан) А.Гансүхэд “террорист үйл ажиллагаа зохион байгуулахыг завдсан” буюу хорлон сүйтгэсэн хэргээр эрүүгийн хэрэг үүсгэсэн нь Х.Баттулгын М.Энхсайхан дээр хэрэглэсэн зүйл ангитай яг адилхан байгаа юм. "Мэхт мэхэндээ" гэдэг энэ. Цаг цагаараа байдаггүй ч гэдэг.

М.Энхсайханы хувьд хуулийн байгууллага түүнд үүсгэсэн “Улсын эдийн засгийг хорлон сүйтгэсэн” гэх хэргээ нотолж чадаагүйн улмаас (анхнаасаа Х.Баттулгын даалгавраар үүсгэсэн зохиомол хэрэг байсан) унаж байсан машиных нь үнэлгээг бууруулж хохирол тооцоод, албан тушаалын хэрэгт хүчээр ял тулгасан. Харин одоо Х.Баттулгад тийм зүйл бүү тохиолдоосой. Эрх биш өнгөрсөн арав гаруй жилд Монголын эдийн засагт учруулсан хохирол, сүйтгэл бэлээхэн баримт, нотолгоо болох учир ял завших явдал бүү гараасай.

Б.СЭМҮҮН

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iШинэ мэдээ
“Аж ахуй эрхлэгч эмэгтэйчүүдийн эдийн засаг дахь оролцоог нэмэгдүүлэх” тухай хуулийн төсөл өргөн мэдүүлэв 9 цаг 40 мин Б.Батдаваа: Дэлхийн эдийн засгийн өсөлтийн удаашрал түүхий эдийн үнэд сөргөөр нөлөөлж мэдэхээр байна 11 цаг 16 мин Хүүхэддээ ямар хоол бэлтгэж өгөх вэ: Эрүүл хүүхдийн гэрэлт ирээдүй 11 цаг 21 мин Үер, усны аюулаас сэрэмжтэй байхыг анхааруулж байна 11 цаг 30 мин Хэрэйдийн Ван ханы ордон буюу Туулын “Хар Түнэ Орд” дурсгалт газрыг гүнзгийрүүлэн судалж байна 11 цаг 35 мин ТАНИЛЦ: Үйл ажиллагааг нь хүчингүй болгож байгаа дээд сургуулийн НЭРС 12 цаг 37 мин Өндөр сэнтийд донтогчийг өөдгүй цөөврүүд бараадна 13 цаг 6 мин Улаанбаатарт АИ-92 шатахууны 23, дизель түлшний 30 хоногийн нөөц байна 13 цаг 27 мин Л.Энх-Амгалан: 21 их, дээд сургуулийн сургалтын үйл ажиллагааг зогсоож байна 13 цаг 45 мин Сураггүй алга болсон, төөрсөн дуудлагаар 25 иргэний амь насыг авран хамгаалжээ 15 цаг 4 мин Г.Дашдулам: Гамшгийн эрсдэлийн үнэлгээ нь эрсдэлийн удирдлагыг хэрэгжүүлэх үндэслэл болдог 15 цаг 39 мин Тал, хээрийн нутгаар салхи шуургатай байна 16 цаг 39 мин УИХ-ын дарга Г.Занданшатар дэлхийн шатрын олимпиадын аварга Б.Мөнгөнзултай шатар нүүлээ Уржигдар 18 цаг 13 мин Голомт банк “ӨВ СОЁЛЫН ГОЛОМТ” төслийг санаачилж Археологийн хүрээлэнтэй хамтын ажиллагаагаа эхлүүллээ Уржигдар 14 цаг 53 мин Улсын аварга цолтон допингийн шинжилгээнд бүдэрсэн гэв үү?! Уржигдар 12 цаг 22 мин Мэдээллийг үнэлэх буюу бужигнаан дундаас боломж шүүрэх нь Уржигдар 11 цаг 58 мин Ч.Өнөрбаяр: Цэцийн гишүүд бүгд хууль дээдлэх ёсны талаар ярих эрхгүй Уржигдар 11 цаг 23 мин "Мэдрэмж хүний дотор оршдог, харин хүн хайрандаа оршдог" Уржигдар 11 цаг 11 мин "Тусдаа засал хийнэ" гэж 15 настай охиныг хүчирхийлсэн ламд 10 жилийн хорих ял оноолоо Уржигдар 11 цаг 02 мин БНСУ-ын хилээр орж ирэх зорчигчдын АНХААРАЛД! Уржигдар 10 цаг 45 мин
iИх уншсан
Х.Нямбаатар: Алдагдсан боломжийн 80 их наядыг экс Ерөнхийлөг... Монголчууд бие биенээ барьж идэж дуусах нь ээ Хүүхэддээ ямар хоол бэлтгэж өгөх вэ: Эрүүл хүүхдийн гэрэлт и... ҮХНӨ-ийг Н.Энхбаярын гарт атгуулахын цаад учир юу вэ?! Л.Оюун-Эрдэнэ: Гэр хороолол хаус хороолол болж хөгжих бүрэн ... Өндөр сэнтийд донтогчийг өөдгүй цөөврүүд бараадна Б.Батдаваа: Дэлхийн эдийн засгийн өсөлтийн удаашрал түүхий э... Ч.Өнөрбаяр: Цэцийн гишүүд бүгд хууль дээдлэх ёсны талаар яри... Мэдээллийг үнэлэх буюу бужигнаан дундаас боломж шүүрэх нь "Мэдрэмж хүний дотор оршдог, харин хүн хайрандаа оршдог" Улсын аварга цолтон допингийн шинжилгээнд бүдэрсэн гэв үү?! Брейк бүжгийн олимпын эрх олгох форматыг баталжээ Б.Баасанцогт “ам нээж” шүүгч нар бужигнаж байна Картын харилцагчдад зориулсан намрын анхны урамшуулал эхэллэ... 200 тэрбумтай ч ажиллах компанигүйгээр Дарханы замын маапаан... Орос Украины хариу дайралтыг "хорлон сүйтгэх ажиллагаа" гэж ... Д.Сумъяабазар: Усан паркийн асуудал хууль зөрчөөгүй, хүмүүс ... Л.Оюун-Эрдэнэ: Хөдөөд шилжин очиж байгаа төрийн албан хаагчи... "Тусдаа засал хийнэ" гэж 15 настай охиныг хүчирхийлсэн ламд ... Б.Пүрэвдорж: Малын үнэ унаж, юмны үнэ нэмэгдээд малчдын амьд...
Top