УИХ-ын гишүүний халдашгүй байдлын дэд хорооны хуралдаан өнөөдөр 09:00 цагт эхэлсэн билээ. Тус хуралдаанаар Улсын Ерөнхий прокуророос оруулж ирсэн нэр бүхий гишүүдийн бүрэн эрхийг түдгэлзүүлэх эсэх асуудлыг хуулийн хугацаанд хэлэлцэн шийдвэрлэх байв.
Ийнхүү УИХ-ын гишүүн Н.Алтанхуяг, Г.Амартүвшин, Х.Батсуурь, Ё.Баатарбилэг нарын бүрэн эрхийг түдгэлзүүлэх эсэх асуудлыг хэлэлцэж, УЕП-аас гаргасан хүсэлтийг дэмжих боломжгүй гэж үзжээ.
Энэ талаар Халдашгүй байдлын дэд хорооны дарга Н.Энхболд "Улсын Ерөнхий прокуророос УИХ-ын гишүүн Н.Алтанхуяг, Г.Амартүвшин, Ё.Баатарбилэг, Х.Ганхуяг нарын бүрэн эрхийг түдгэлзүүлэх асуудлыг УИХ-д оруулж ирсэн. Халдашгүй байдлын дэд хороо ирц бүрэн хуралдлаа. Өчигдрийн хуралдаанаар дөрвөн гишүүнээс нэмэлт тайлбар авахаар болоод тарсан байгаа. Харин өнөөдрийн хуралдаанаар дөрвөн гишүүний бүрэн эрхийг түдгэлзүүлэх шаардлагагүй гэж үзлээ" гэлээ.
Халдашгүй байдлын дэд хороо Улсын Ерөнхий прокуророос оруулж ирсэн хүсэлтийг хаалттай хэлэлцэж, нууцаар санал хураалт явуулсан байна.
