x

Харуулын даргаа буудсан хоёр байлдагчийн хэрэг хаашаа эргэх вэ?

Говь-Алтай аймгийн Алтай суман дахь хилийн цэргийн 0214 дүгээр ангид алба хааж байгаад  харуулын даргынхаа аминд хүрээд зугтсан хоёр байлдагчийг цагдаагийн байгууллага баривчлан саатуулжээ. Тэднийг баривчлахын тулд Ховд аймгийн Чандмань суманд амьдарч байсан байлдагч Х-ийн эцэг эхийг оролцуулсан юм байна.

Байлдагч Х нь харуулын даргынхаа аминд хүрсний дараа түүний гар утсаар ээж хүүгээ залгасан ч утас нь холбогдохгүй байсан тул /энэ үед аав, ээж нь аль хэдийн Алтай сум руу хөдөлсөн байж/ ээжийнхээ ах руу залгаж, "Ах аа, би тэсэхээ байгаад хүн буудчихлаа. Бид хоёрын бууны амнаас долоон сум гарсан” гэж хэлээд уйлсан байна. Яагаад ийм аймшигтай зүйл хийчих вэ? гэж асуухад “Дарга миний духанд буу тулгаж байгаад зоддог. Байнга ална гэж дарамталдаг байсан” хэмээн уйлж, өөрсдийгөө буудна гэхэд нь "Ахын хоёр дүү битгий тэгээрэй. Амьд л байгаарай. Одоо утсаа унтраагаад цэнэгээ гамна. Хэнтэй ч битгий яриарай. Уулнаасаа буу. Гэрийнхэн чинь чиний байгаа газар руу явж байгаа. Миний дүү наад уулнаасаа буугаад аав, ээждээ оч. Битгий буун дуу гаргаарай. Хүн амины хэрэг хийсэн нь үнэн учраас бууж өг. Чи өвөөгийнхөө машиныг мэдэх учраас буугаад очоорой" гэж гуйжээ. Түүний бүх яриаг Эрүүгийн цагдаагийнхан хуулж, бичиж авсан байна.

Хэрэг гардаг өдрийн 04:00 цагт харуулын ээлж солилцох ёстой байсан Х нь маань хамт хэрэг хийсэн байлдагчтай хамт хил рүү алхаад, 05:00 цагийн үед очиход харуулын дарга нь уурлаж, цээж рүү нь бууны бөгсөөр цохиж, зодсон байна. Харуулын дарга нь явахдаа “Та хоёрыг орой бууж ирэхээр чинь цааш нь харуулна аа” гэж хэлсэн юм байна. Гэвч орой нь юу болсныг бид мэднэ. Харин Х-ийн аав "Хүүгээ баригдах үед нэг ч үг сольж амжаагүй, анх хараад хүүгээ таниагүй. Миний хүүгээс чих, хамар хоёр л үлдсэн байна лээ. Өмнө ангид нь элдэв дарамт шахалт байна уу? гэж асуухаар "цэргийн нууц" гээд юу ч хэлдэггүй байсан" гэжээ.

Цагдаагийнхан хоёр байлдагчийг уулнаас бууж ирмэгц нь баривчилсны дараа эцэг эхтэй нь уулзуулалгүй, тэднийг ууланд хаяад шууд явсан байна. Эцэг, эх нь хүүхдийнхээ араас Алтай сум рүү орж ирсэн ч "хөл хорио тогтоосон" гэдгээр шалтаглан аймгийн төв рүү оруулаагүй учир аргагүйн эрхэнд гэр лүүгээ буцсан байна. Одоо байлдагч нараас байцаалт аваад бүтэн гурав хоног өнгөрч байна. Хэдий гэмт хэрэг үйлдсэн нь үнэн ч тэдэнд ч гэсэн эрх бий. Тэр нь өөрийгөө өмгөөлөх /өмгөөлөгч авах/ болон шударгаар шүүлгэх эрх.

Сануулахад хэрэг гарсны маргааш өглөө ХХЕГ-ын дарга, хошууч генерал Ш.Лхачинжав "Амиа алдсан ахлагч /харуулын дарга/ бол хилийн застав дээр гэр бүлээрээ ажиллаж амьдардаг, олон жил ажилласан туршлагатай хүмүүжүүлэгч, Хугацаат цэргийн алба хаагчдыг айлгаж дарамтлахаар сэтгэл зүйтэй хүн биш" гэж хэлсэн. Харин байлдагч Х-ийн ар гэрийнхний яриагаар тэр нь тийм ч баталгаатай мэдээлэл биш байсан бололтой.

Ялангуяа ийм тохиолдолд хэргийн яаруу сандруу өгсөн нэг талын мэдээлэл нь хэргийг хааш нь хөтлөх гээд байна вэ гэдэг хардлагыг төрүүлэх нь мэдээж. Тэр тусмаа цэргийн дэглэлттэй холбоотой асуудал өндрөө авч, албан тушаалтнуудтай холбоотой хариуцлагын асуудал яригдаж буй энэ үед бүр ч анхаарал татах ёстой асуудал мөн. 

Нэг талаас хэрэг гарсан Хилийн цэргийн алба нь Хууль зүй, дотоод хэргийн сайдын эрхлэх асуудалд хамаардаг. Нөгөө төлөөс хэргийг шалгаж буй этгээд нь мөн сайдад харьяалагддаг цагдаагийн байгууллага. Тийм учраас энэ хэргийн мөрдлөгийг хуулийн дагуу явуулах, шүүх хурлын явцыг олон нийтэд нээлттэй, ил тод явуулах нь шударга ёсны хамгийн гол шалгуур болоод байна.

Б.ЗАЯА

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (3)

  • Зочин (202.9.40.107)
    Үнэхээр тэсвэр тэвчээр нь барагдсан байх аа. Сургуульд сурч байх ёстой хүүхдүүд шүү дээ. Урьд нь амь үрэгдсэн 20 цэрэг тэсч тэвчиж байгаад амиа өргөсөн. Цэрэг нас барахаар хариуцах ёстой дарга нар нь тэтгэвэрт гараад ял шийтгэлгүй явчих юм. Хариуцсан анги нэгтгэлд нь цэрэг амь үрэгдвэл тэтгэвэр өгөхгүй байхаар хуульчилж өгвөл яасан юм бэ. Дарга нар нь мэдсэн ч мэдээгүй юм шиг явж байгаад эцэстээ иймэрхүү хэрэг гарч байгаа шүү дээ!
    2021 оны 04 сарын 14 | Хариулах
  • Алба хаагч (64.119.21.104)
    Лхачинжав юугаа мэдэхэв дээ. Хаа байсан хил дээр байгаа харуулын даргын сэтгэл зүйг мэддэг хэн бэ? Хараа ч үгүй, хамт ажиллаж байгаагүй хүнийхээ сэтгэл зүйг мэдэж нтр. Инээдтэй. Шар арьсаа хамгаалсан өөдгүй новш. Батлан хамгаалах салбарт Лхачинжав мэтийн нөхөд дүүрсэн учраас энэ салбарт сахилга бат үгүй болж салбар нь ялзарсан нь ил болж байгаа нь сүүлийн жилүүдэд байнга гарч байгаа хүн амины хэргүүдээс тодорхой харагдаж бна. Цэргийн алба, батлан хамгаалах салбар шүлсээ гоожуулсан өлөн араатнуудаар дүүрсэн.
    2021 оны 04 сарын 14 | Хариулах
  • Зочин (111.199.63.39)
    said ni ogtsor oooteneg said aa hooson tolgoitoo
    2021 оны 04 сарын 14 | Хариулах
iШинэ мэдээ
Элрэн баларч буй Л.Оюун-Эрдэнийн цаг хугацаа 2 цаг 50 мин “Хөх толботон” аялал жуучлалын шинэ маршрут нээх санаачилгыг Ерөнхий сайд дэвшүүлэв 4 цаг 24 мин Монгол Улсын Засгийн газар, НҮБ-ын хамтарсан удирдах хорооны хуралдаан боллоо 4 цаг 49 мин Шар усны үерийн аюулаас урьдчилан сэргийлнэ үү! 5 цаг 7 мин П.Сайнзориг: Шинэ Зуунмод дагуул хотыг байгуулснаар Улаанбаатарын төвлөрөл, түгжрэл бүрэн шийдэгдэхгүй 5 цаг 25 мин Өнөөдөр нутгийн зүүн хэсгээр салхитай хүйтэн байна 5 цаг 43 мин ЗГХЭГ-ын даргын хэлсэн ДОЛООН ХУДАЛ 18 цаг 7 мин НҮБ: Тогтвортой хөгжлийг хангах, эрүүл мэндийг дэмжихэд 11.3 сая ам.доллар зарцуулжээ 18 цаг 17 мин ЕБС-ийн сургалтын агуулгад амьтны хүрээлэн, музейн хөтөлбөрүүдийг оруулж байна 19 цаг 20 мин Ашигт малтмалын тусгай зөвшөөрлөөр 66.1 тэрбум төгрөг төвлөрүүлжээ 19 цаг 37 мин "Титаник” киноны Рөүзийн амийг аварсан тавцанг дуудлагаар худалджээ 19 цаг 37 мин Хотын төвийн зогсоолуудад 47,400 автомашин бүтэн өдрөөр байршдаг 19 цаг 45 мин Цусны хорт хавдрыг ялан дийлсэн Икээ Парисын Олимпод өрсөлдөнө 19 цаг 57 мин Ойрын хоёр хоногтоо нутгийн зүүн хэсгээр салхитай хүйтэн байна 20 цаг 11 мин Дотоодын цэрэг өндөр чадвартай хөдөлгөөнт хүчинтэй болно 20 цаг 14 мин Голомт банк “Их засаг” олон улсын их сургуультай хамтран ажиллана 20 цаг 27 мин Гамшгийн үеийн зарлан мэдээллийн дуут дохиотой дадлага сургуулилалт хийлээ 20 цаг 31 мин Зарлан мэдээллийн дохиогоор дадлага сургуулилалт хийлээ 20 цаг 44 мин Дөрөвдүгээр сард болох үндэсний бөхийн барилдааны хуваарь 21 цаг 20 мин Өнөөдөр 16:00 цагт орон даяар гамшгийн дохио дуугарна 23 цаг 34 мин
iИх уншсан
Найруулагч П.Лхагвадулам: Сэтгэлээс гардаггүй тийм л мэдрэмж... Чингэлэг чингэлгээр зөөсөн нүүрсний мөнгийг Сү.Батболдын "бо... ОРОС дахь АЛЛАГА Н.Учрал гишүүний эргэн ирэлт ба Эмийн жорын “цахимжилт” 10 хүн угаартаж нас барсан хэргийн мөрөөр... Авилгатай тэмцэх биш, тэмцдэг тогтолцоогоо нураасан найман ж... “Улаанбаатар-2024 гэрэл зургийн өдрүүд” нэгдсэн үзэсгэлэн зо... Ж.Бат-Эрдэнэ: Төмөр зам яагаад гацсан үнэнийг одоо хэлье С.Наранцогт: Ураны төсөл зогсоогүй, ажлууд хийгдэж байгаа Ардчилал бол эзлэх ёстой өндөрлөг биш, явах ёстой зам юм Буриад Монголын зарим түүх Олон Улсын Найрамдал цогцолборт Хүүхдийн хөгжлийг дэмжих тан... Дөрөвдүгээр сард ихэнх нутгаар салхи шуургатай, хүйтэн байх ... Батсүмбэр сумын 100 жилийн ойн барилдаанд улсын заан Б.Серик... Элрэн баларч буй Л.Оюун-Эрдэнийн цаг хугацаа ЗГХЭГ-ын даргын хэлсэн ДОЛООН ХУДАЛ Эрчим хүчний шилжилт хийх өрхүүдийг сонгон шалгаруулж байна Маргаашнаас баруун, зүүн аймгуудад цасан шуурга шуурна Москвад болсон зэвсэгт халдлагын хариуцлагыг "Исламын улс" б... Японд болсон газар хөдлөлтөөс хүчтэй хөдлөлт манай оронд дөр...
Top