x

“Зулбасан” Засгийн газрын буурин дээр төрсөн Х.Баттулгын засаглал

УИХ-д 65  суудалтай МАН-ынхны "гараар" М.Энхболдыг УИХ-ын даргаас буулгасан "гайхамшиг" УИХ-д 62 суудалтай Намын даргыг нь Ерөнхий сайдаас огцруулах хүртэл үргэлжлээд зогсохгүй, ийм олонхийн ноёрхол дундуур хүссэн төмөр замаа хамгийн их орлоготой төрийн компанийнх нь зардлаар бариулж байна. Х.Баттулга "МАН-ынхан дундуур" засагласаар байгаа нь энэ. Түүний тухай нэгэнтээ хэлснээ давтахад тэр бол "самбочин". Улстөрч болбол Ерөнхийлөгч болтлоо, бизнес хийвэл тэрбумтан болтлоо, луйвар хийвэл мафи толгойлтлоо мэхээ гүйцээдэг нь түүний төрөлх чанар. Энэ бол магтаал биш, дүр зураг. Засаглаад, ааглаад байгаа мэт МАН-ын залуус сайн харж аваг. Бүү хохирог гэсэндээ тодотгоё.

Ерөнхий сайд Л.Оюун-Эрдэнэ багаа бүрдүүлсээр байна. Ерөнхий сайдын танхимаа бүрдүүлсэн “сонголт”, түүний өдөр тутам гайхшруулсаар байгаа зөвлөхүүдээс нэг л өөр сүрчиг үнэртэх боллоо. Тэр тусмаа “Олимпийн аварга Н.Түвшинбаяр Ерөнхий сайд Л. Оюун-Эрдэнийн зөвлөхөөр ажиллах болсон нь энэ үнэрийг үлэмж тодотгов. Уучлаарай, энэ жил Олимпийн жил. МҮОХ-ны Ерөнхийлөгчид Ерөнхий сайдад зөвлөх “зав” байна уу. Хэвлэл мэдээлэл, олон нийттэй харилцах зөвлөх А.Амундраг томилсон. Тэр бол төмөр замыг нь барьж “Бодь интернэшнл” ХХК-ийн Гүйцэтгэх захирал. Х.Баттулгаас холгүй байгаа биз?

2021оны хоёрдугаар сарын24-ний өдөр Монгол Улсын Гадаад харилцааны сайд Б.Батцэцэгийн урилгаар Хятадын Төрийн зөвлөлийн гишүүн бөгөөд Гадаад харилцааны сайд Ван И түүнтэй утсаар ярилаа гэсэн мэдээг Хятадын хэвлэлүүд гаргажээ. Уг мэдээнд өгүүлснээр “хоёр тал “Бүс ба зам”, “Талын зам” санаачилгуудыг сайтар холбож, хамтын ажиллагаагаа тэлж, цар тахлын учруулсан хохирлыг нөхөж барагдуулахад ач холбогдол өгч ажиллах ёстой” гэж Ван И хэлсэн байна. “Бүс ба Зам” санаачилгад холбогдсон орнуудын дунд ШХАБ-ын идэвхжил, нөлөө ямар байгааг олон нийт мэднэ. Энэ дашрамд У.Хүрэлсүхийн Засгийн газрын 2020 оны тавдугаар сарын 6-ны өдрийн 162 тоот тогтоолыг сануулъя. Уг тогтоолд “ҮАБЗ-ийн 2018 оны хоёрдугаар сарын 2-ны өдрийн 05/04 дүгээр зөвлөмжийг хэрэгжүүлэх зорилгоор Монгол Улсын Засгийн газрын тухай хуулийн 30 дугаар зүйлийн 1дэх хэсэгт заасныг үндэслэн “Зөвлөмж дэмжих тухай” Засгийн газрын 2015 оны 9дүгээр сарын14-ний өдрийн 375 дугаар тогтоолыг хүчингүй болсонд тооцсугай”, “Монгол Улс байнга төвийг сахих талаарх бодлогыг сурталчлахгүй байх арга хэмжээ авахыг Гадаад хэргийн сайд Д.Цогтбаатарт даалгасугай” гээд Ерөнхий сайд У.Хүрэлсүх, Гадаад харилцааны сайд Д.Цогтбаатар нар гарын үсгээ зурсан байдаг юм. Энэ талаар манайхан ер дуугарахгүй байгаа, өөрөөр хэлбэл гадаад бодлогын үзэл баримтлалын хувьд өнөөдрийн байдлаар гадна талд ямар байр суурь илэрхийлж байгаа вэ гэдэг нь “асуудалтай”. Бараг л “Байнга төвийг сахиагүй орон” гэсхийгээд ойлгомжгүй.

Цаашилбал! 2021оны хоёрдугаар сарын 9-ний өдөр БНХАУ-ын Үндэсний соёлын өвийн газрын дэд дарга Ху Бин Монгол Улсаас БНХАУ-д суугаа Элчин сайд Т.Бадралтай уулзаж “Монгол Улсад Чингис хаан нэртэй хаадын музей байгуулагдаж буйтай танилцаж, музейн сан хөмрөгийг бүрдүүлэх ажлын хүрээнд хамтран ажиллахаар болов. Энэ хэний хүсэл вэ? Л.Оюун-Эрдэнийн “амлалт”. Тэр ч байтугай “Монгол Улсын түүхийн эсрэг үйлдэл хийвэл улс төрийн хатуу тэмцэл хийнэ шүү” гэж мэдэгдсэн. Тиймээс ч хөшөө, музейн зардлыг ковидын үеийн төсвөөс ч хасах “түүхийн эсрэг урвагч” олдоогүй, хэвээр батлагдаад явж байна. Нөгөөтэйгүүр Т.Бадрал АТГ-т тендрийн асуудлаар шалгагдаж байсан, Ерөнхий сайд асан У.Хүрэлсүхтэй ямар хамааралтай зэрэг нь “төлөвлөгөөг үг дуугүй биелүүлэх” командтай нэгэн.

Дараагийнх нь Соёлын сайд Ч.Номин. Өмнөх сайд С.Чулуун МАН-ын гишүүн биш боловч У.Хүрэлсүхийн Засгийн газарт ажиллаж байсан. Түүхийн чухал баримт гадагшаа гаргасан баримт нь дэлгэгдсэн ч гэмт хэрэг байсан эсэхийг таг нуув. Хамгийн гол нь Ерөнхий сайд нь Хүүхдийн төлөө фондод 10т эрбум төгрөг Засгийн газраас зарцуулна гэдэг шийдвэрийг 2020 оны арванхоёрдугаар сарын 30-ны хурал дээрээ гаргахад байлцсан Соёлын сайд С.Чулуун ердөө маргааш нь он солигдох мөчид Ерөнхийлөгчтэй хамтдаа Хүүхдийн төлөө фондоор шоудаад гол фон болчихсон суусан нь сонирхолтой. Түүнийг Ерөнхийлөгчөөс илгээгдсэн сайд гэдэг байсан нь ч энэ үед дахин сонсогдож байлаа.

Харин одоо түүний орыг залгаж маш хөдөлмөрч төдийгүй газар тариалангийн “мафи” гэх томдсон хочтнуудын нэг Л.Чинбат охиноо төрд “илгээв”. Ерөнхий сайдын сонголт мөн гэж үү? Харж л байя.

Зам, тээврийн хөгжлийн сайдыг гоочлохоо больё, ажлаа л сайн хийг гэж ерөөж байна. Гэхдээ түүнд “даалгавар” бий. Дарханы зам уу, тэр ч яахав. Хамгийн гол нь “УБТЗ” ХНН-ийн даргаар Н.Сэрээнэндоржийг томилуулахаар тохиролцох бичиг хэдийн Кремлийн босгоор давсан сурагтай. Н.Сэрээнэндорж Х.Баттулга нар ямар холбоотой вэ гэж үү? Яагаав, өнөөх “1000вагоны хэрэг, эвдэрвэл засах бонус болох “Трансмашхолдинг” буюу “ТМХС Монгол” компани тэдний хийсэн ажил шүү дээ. Сануулъя, тэр үед Х.Баттулга Зам, тээвэр, барилга хот байгуулалтын сайд, Н.Сэрээнэндорж “УБТЗ” ХНН-ийн дарга байсан. Гэрээнээсээ эхлээд хөөвөл Д.Жигжиднямаагаас илүү тэр хоёр эхлүүлсэн. Эдүгээ ОХУ-д “РЖД” НХН-ийн ерөнхий захирал О.В.Белозеров, Монголд Д.Жигжиднямаа эвгүйтээд байгаагийн цаана Х.Баттулга, В.Якунин нар байгааг ах дүү орны ард түмэн бөөнөөрөө мартана гэж үү. Ээ дээ, ирэх сарын сүүлчээр Кремльд Х.Баттулга орохдоо энэ талаарх асуудлаа шийдэж ирээд л сонгуульдаа орно доо.

ХЗДХ-ийн сайд Х.Нямбаатарын хувьд Ерөнхийлөгчийг сүртэй сөрж чадахгүй л болов уу. Тэрбээр2017оны Ерөнхийлөгчийн сонгуулийн нээлтийн өдөр намынхаа залуусын хамт “Нэр дэвшигч Х.Баттулгад холбогдох хэргийн талаар Нийслэлийн прокурорт асуулга тавьж байв. Тухайн үеийн Нийслэлийн прокрор Д.Баярмагнай сонгуулийн өмнө “түүнд холбогдох хавтаст хэргүүд бий” гэж, сонгуулийн дараа“хэрэгсэхгүй болсон” гэж нэг мэдэгдээд Ерөнхийлөгч болсных нь дараа ажлаа өгсөн дөө. Х.Баттулга коммунист ах нарын “сайн дүү”-гийн үүрэг гүйцэтгэж явсан түүнийг мартана гэж үү. Ер нь өнөөгийн Засгийн газрын “тод магнай” болоод байгаа үеэл хоёр сайд Х.Баттулга, У.Хүрэлсүх нарын “жүжгийн” учрыг мэдэж байгаа юм уу даа. Дүрдээ айхавтар орсон байна, олон нийт ч энэ залууст итгэж байна. Цаг хугацаа харуулах биз.

Ц.Нямдорж сайд энэ Засгийн газрын түшиг тулга, ноён нуруу гэгдэж ЗГХЭГ-ын даргаар ажиллаж байна. Яагаад? Түүнд ашиг бий. Ялангуяа Эрдэнэт үйлдвэрийн тухайд. Ерөнхий сайдаас энэ оны хоёрдугаар сард гаргасан нэгэн захирамжид Засгийн газар, Эрдэнэтийн 49 хувийн талынхан хэлцэл хийхээр заасан. Ц.Нямдоржгүйгээр ийм хэлцэл болохгүй, түүний эрх ашиг тодорхой юу? “Зоосны” нөгөө талд нь Х.Баттулга, Д.Эрдэнэбилэг нарын эрх ашиг ч бий. Сонгууль хүртэлх зам гэж “стратегийн” богино зам тэднийг холбоно. Тэгээд ч сонгуулиар барих Ц.Нямдорж сайдын сюрприз нь алдарт “McKinsey&Company-Либерти партнерс хоорондын баахан дансны шилжүүлэг, БНХАУ, БНСУ-ын нэр бүхий компаниудтай хийсэн “нууц” гэрээ, түүнд нэг км төмөр замыг 2.5сая ам.долараар барих төсөл зэрэг бараг ялын төлөвлөгөө шахуу нотлох баримтуудаас эхлээд маш их.

Сангийн сайдын тухайд бол Ч.Хүрэлбаатарыг л холдуулах нь гол захиалга. Хөгжлийн банк Сангийн сайдын мэдэлд хэдий ч ЗГХЭГ-ын даргаас төдийлөн холдохгүй. Шадар сайд С.Амарсайхан Ерөнхийлөгчтэй ураг төрлийн ойр холбоотой. Хотын дарга Ерөнхийлөгчтэй амь нэгтэй байдаг нь хардлага таамгаас хальж зарим үйлдэл, эс үйлдэл, хэгжүүрхлээр харагдаад авсан. Нэг иймэрхүү. Нэмж хэлэхэд Ерөнхийлөгч Х.Баттулга, У.Хүрэлсүхийн өрөөнд уурсаж ороод цохилцож зодолдсон гэдэг шиг батлагдахгүй мэдээг цаашид ч үе үе гаргах биз. Тэгэхгүй бол “жүжиг” илэрчих гээд байдаг. Тэр хоёр “аймаар муудалцсан” байх ёстой учраас дундуур нь ямар гээчийн хар, шар муур гүйхийг хараад л сууж байхаас яахав. Ерөнхий сайдын сонголтууд, Ерөнхийлөгчийн бодлогыг сөрөх “хөөрхөн мэдэгдлүүд”-ийн цаана том улс төр явж байна. “Гав тайлах бизнес” гаарч сүүлдээ шүүгчдээ цагдаагаар “мөрдүүлж” марзаганах л дутаад байгаа бололтой. 

За, ингээд бодохоор "хазсан алим" шиг Засгийн газраас хэн хожив. Дээр нь МАН-д "цус сэлбэх" нэрийдлээр урсан уусан орж буй шижигнэсэн залуусаас хэн нь, хэд нь Х.Баттулгын "дүү нар" байхыг бас тооцоорой.

У.Оргилмаа /baabar.mn/

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (2)

  • Зочин (66.181.161.19)
    Хоёрхон жишээ. 17 чингэлэг спирт, ТЗ -ын 280 сая доллар. Мөн ч шударга байгаа биз.
    2021 оны 02 сарын 28 | Хариулах
  • Ганбаатар (192.82.75.179)
    Яахаараа энэ ерөнхийлөгчийг ингэж ад үздэг юм бол? Магадгүй шударгад нь болдог байх. Монголын төрд хамгийн болохгүй этгээд бол ХҮрэлбаатар байсан.Хотгор шанагын уурхайг зарчихаад мэлзээд байгаа хүнийг юу гэж ойлгох вэ. Мөнөөх уурхайн дарга нь ярилцлага өгөөд байдаг. Жирийн иргэн надад бол Энэ ерөнхийлөгч шиг ажлаа хийж байгаа хүн байхгүй.
    2021 оны 02 сарын 26 | Хариулах
iШинэ мэдээ
Иргэд оношлогдож ирээд 2-3 хоногийн дараа хүндэрч байна гэлээ 2 минутын өмнө Зам засвар, арчлалтын ажил үргэлжилж байна 23 минутын өмнө Дели хотод долоо хоногийн хөл хорио тогтоолоо 29 минутын өмнө О.Баатарчулуун: ЗГ, УОК цар тахлын дэгдэлтийн бүх бурууг ХӨСҮТ рүү чихэж байгаа нь улс төрийн зорилготой 2 цаг 8 минутын өмнө "Зэвсэгт хүчнийг улс төртэй холбож, олон нийтэд сөрөг мэдээлэл цацах нь хууль зөрчиж буй үйлдэл" 2 цаг 37 минутын өмнө АНУ-ын Мянганы сорилтын корпорацтай байгуулсан Хоёрдугаар компакт гэрээ хүчин төгөлдөр боллоо 3 цаг 29 минутын өмнө С.Зориг агсны хэлсэн онцлох эшлэлүүд 4 цаг 4 минутын өмнө Ерөнхийлөгч Х.Баттулгад хариуцлага тооцохыг ХҮНам УИХ-аас шаардана 4 цаг 49 минутын өмнө Орост Навальныйг дэмжигчдийн жагсаал болно 5 цаг 30 минутын өмнө Алслагдсан хороодод дархлаажуулалтын явуулын цэг ажиллана 5 цаг 46 минутын өмнө Нийтийн тээврээр үйлчлүүлэхдээ заавал бээлий өмсөөрэй! 5 цаг 51 минутын өмнө Эмэгтэй бизнес эрхлэгчид сорилттой илүү амжилттай нүүр тулж буй тухай өгүүлэх нь 5 цаг 57 минутын өмнө Х.Мөнхзул: Төрийн захиргааны байгууллагын гурван хүн тутмын нэг нь бэлгийн дарамтад өртдөг гэсэн судалгаа гарсан 6 цаг 35 минутын өмнө Завхан аймагт эмчилгээ хийлгэж байсан нэг иргэн нас барлаа 6 цаг 53 минутын өмнө С.Зоригийн хүсэл ба гэр бүлийн сонирхол 7 цаг 9 минутын өмнө УБТЗ хүнд жинтэй, 80 вагон ачаатай галт тэргийг туршилтаар аялуулжээ 7 цаг 32 минутын өмнө Коронавируст халдварын улмаас нас барсан иргэдийн тоо 57 боллоо 7 цаг 37 минутын өмнө Монголд анх удаа цээжний хонхойх гажиг засах мэс заслыг амжилттай хийлээ 7 цаг 47 минутын өмнө "Явганы хөдөлгөөн их хэвээр байвал хязгаарлах, чангаруулах шаардлагатай" 7 цаг 59 минутын өмнө У.Хүрэлсүх өөрөө л намаа “Цаазалсан!” 8 цаг 43 минутын өмнө
iИх уншсан
Шадар сайдын шахаасаар томилогдсон МҮОНРТ-ийн шинэ захирал ө... Ц.Анандбазарын авлигын үзүүрт У.Хүрэлсүх байсан бол яах вэ? Харуулын даргаа буудсан хоёр байлдагчийн хэрэг хаашаа эргэх ... ХӨЛ ХОРИОНЫ ДҮРЭМ: Халдвар авбал өөртөө гомд! “Их тэнгэрийнхэн” Ц.Анандбазараас Бага тэнгэрээ хамгаалж чад... МҮОНРТ-ийн захирал А.Бүрэнбаатар хүчирхийлэгчид хаалгаа нээс... УИХ Цэцийн дүгнэлтийг хүлээж авна. Харин дараа нь... О.Мөнхсайхан: Төрийн тэргүүн байсан хүн дахин Ерөнхийлөгчид ... Шинэ он тоололд бэлэн үү?! У.Хүрэлсүх өөрөө л намаа “Цаазалсан!” С.Зоригийн хүсэл ба гэр бүлийн сонирхол Б.Сүндэръяа: Буурал Гансүх ах аа, эхнэрийн чинь чат надад би... БИЧЛЭГ: Төрийн албан хаагч эмэгтэй ажилтнаа доромжлоод шалны... Э.Бат-Үүл: Ерөнхийлөгчийн зарлиг хуульд нийцсэн байх ёстой! Б.Хурц, Ц.Нямдорж хоёрын орос хэлийг шалгая Ү.Сарнай: С.Зоригийг хөнөөсөн хэргийг тойрсон эрх мэдэлтнүүд... С.Зориг агсны гэр бүлийнхэн мэдэгдэл гаргажээ Ерөнхийлөгч Х.Баттулгад хариуцлага тооцохыг ХҮНам УИХ-аас ша... Тусгай үүргийн нислэгийг хэвийн горимд шилжүүлсэн хуваарь Ц.Нямдорж сайдын "мэнгэ голлосон" өдөр
Top