БНСУ-д нутаг нэгт дөрвөн монгол залууд зодуулж Сөүлийн их сургуулийн эмнэлгийн сэхээн амьдруулах тасагт эмчлүүлж байсан 26 настай Г дөрөв хоногийн турш ухаан орохгүй байсаар өнөөдөр нас барсан талаарх харамтай мэдээг тус улсын хэвлэлүүд мэдээлж байна. 

Уг хэрэг энэ сарын 5-ны өдөр гарсан бөгөөд Сөүл хотын цагдаагийн газар хэргийн гол буруутан гэх А-г саатуулаад байнаа юм байна. Харин хэрэгт холбогдсон бусад гурван монгол залууг тэднийг уг гэмт хэрэгт харьцангуй бага оролцоотой хэмээн үзсэн учир хорьж саатуулах шаардлагагүй гэж үзсэн байна.

Уг хэргийг хариуцсан цагдаа нар Үндэсний шүүх эмнэлгийн байгууллагад хандан, задлан шинжилгээ хийлгэх хүсэлт гаргасан бөгөөд шинжилгээний үр дүнд үндэслэн мөрдөн байцаах ажлаа үргэлжлүүлнэ гэдгээ мэдэгджээ.

Талийгаач Г-ийн хувьд биеийн байдал нь маш хүнд байсан тул эмчилгээний зардалд тус улсад ажиллаж амьдардаг монголчууд болон эх орондоо амьдарч байгаа иргэд хандив цуглуулж байсан юм.