x

Заавал нэг хулгайчтай байж засаг барьсан болдог

Ерөнхий сайд У.Хүрэлсүх өчигдөр танхимынхаа сайд нарыг танилцуулав. Ингэх далимдаа өөрийгөө "үхэхээс бусдыг үзсэн улстөрч" хэмээн өргөмжилж, хулгай худалтай эгнэгт тэмцэхээ мэдэгдлээ. Мөн УИХ-ын гишүүдээс Засгийн газрын гишүүдийн ажилд хөндлөнгөөс нөлөөлөхгүй байх, хууль бус шийдвэр гаргуулахаар шахаж шаардахгүй байхыг намын даргын хувиар анхаарууллаа. Урьдын л адил ийм зүй бус зүйлтэй амь хайргүй тэмцэхээ ч мөн андгайлав.

У.Хүрэлсүхийн энэ мэдэгдэлтэй зэрэгцэн манай хэвлэл мэдээллийнхэн ч гэсэн Ерөнхий сайд танхимаа хэрхэн мэргэжлийн, чадамгай хүмүүсээр бүрдүүлсэн тухай шагшин магтацгаав. Харваас монголчууд буцаад ерэн оноос өмнөх шиг нэг хүний ноёрхол, дэглэм рүү унаж байгаа бололтой. Бие биенээсээ хоцорчих вий гэсэн "долоолт" л их явж байна даа.

Уг нь хүчний харьцаа ийм үед эрх баригч намын даргыг өрсөж "долоохоос" илүү ул үндэстэй шүүмж, ямар ч үед эргэлзэх, нягтлах явдал ажил хэрэгт тус дэмтэй тустай юмсан.

Яг үнэндээ шинэ Засгийн газрын сайд нар дотор тэгтлээ мэргэшээд, салбар салбараа сэвхийтэл өргөөд явчихсан хүн нэг ч алга. Эрүүл мэндийн сайдаар томилогдсон Улсын нэгдүгээр эмнэлгийн дарга Т.Мөнхсайханыг эс тооцвол. Одоохондоо түүнийг ГССҮТ-ийн даргаар ажиллаж байхдаа уг эмнэлгийг дажгүй авч явж байсан, сүүлд нэгдүгээр эмнэлгийн даргаар очоод менежмэнтийг нь сайжруулсан гэдгээс өөр тодорхойлолт алга. Юутай ч эмчийн хувьд, эмнэлгийн даргын хувьд гологдохооргүй байсан гэдэг тодотголтой.

Шинээр томилогдсон бусад сайд нарын хувьд яахав насаараа төрийн алба, яам тамга сахисан, аль ч төрийн үед тал тохой алдаж үзээгүй, тэгсэн хэрнээ ажил үйлсээр ч баатарлаж шалиагүй "номхон томоотой" нөхөд зарим нь байх шиг байна. Тиймэрхүү "дүлий дүмбэ" нөхөд төрийн албаны жинхэнэ гай гамшиг, "намаг балчиг" юм даа.

Салбартаа цоо шинээр тавигдаж буй, тэрний энэний фракци бүлэг гэсэн тодотголтой "цүнх баригч" нар ч бас нэгээр тогтохгүй орж ирсэн бололтой. Лав л тэнд энд ажиллахдаа тэгж ингээд салбараа, байгууллагаа суга дээш нь татчихсан гэх намтар түүхтэй нь алга.

Үлдсэн хэд нь өмнөх Засгийн газарт ажилласан хуучин сайд нар, УИХ-ын зарим нэг гишүүн.

Тухайлбал, Зам тээврийн сайд байгаад эхнэрийнхээ хувийн эмнэлэгт ЖДҮХС-гаас 1,2 тэрбум төгрөгийн хөнгөлөлөлттэй авч өгсөн хэрэгт хариуцлага хүлээж сайдын суудлаасаа буусан, найз Я.Содбаатарыгаа Шадар сайдаар дэвшүүлжээ. ЖДҮ авсан нөхдийг УИХ-д нэр дэвшүүлэхгүй гэж овойгоод байсан МАН-ын дарга тэднийгээ дэвшүүлээд зогссонгүй, дэвшүүлэлгүй үлдээсэн ганц нэгийгээ сайдын суудлаар шагнав. Тэгсэн ч алга таших хүн яасан олон бэ. Хүн гэдэг загаснаас ч дор ой санамжтай амьтан аж.

Ердөө жилийн өмнө Эрүүл мэндийн сайд Д.Сарангэрэл шиг салбараасаа хол хөндий хүн байсангүй. Атал оны өмнө дэлхий нийтээр дэгдсэн коронавирусийн аюул, ХӨСҮТ-ийн хэдэн эмч нар халдварын голомтыг Монголдоо тархаалгүй барьж чадсаны хүчинд Д.Сарангэрэл шиг мундаг сайд Монголд байхгүй болов. Эрүүл мэндийн сайдтан Хан-Уул дүүргээс нэгээр гараад зогсохгүй хамт нэр дэвшсэн намынхаа хоёрыг хүртэл чирээд гараад ирдэг "буян" юм даа. Шагналд нь БОАЖ-ын сайдын суудал "дан" гээд ороод ирлээ. Эрхбиш эрүүл мэндийн салбараас зайлсан нь яамай л гэхээс. Ядаж л эмч хүн арыг нь залгалаа.

Гурав дахь нь Хууль зүй, дотоод хэргийн сайд Нямбаатар. "Ашгүй Нямдорж зайллаа" гэж баярласан чинь У.Хүрэлсүх өөрийнхөө хуулийн бодлогын зөвлөхөөр авч гонсойлгох жишээтэй. Монголын төр энэ хүнд үнэхээрийн төлж баршгүй их өртэй ажээ.

Х.Нямбаатарын хувьд хувийн сургууль төгссөн, тэндээ багшилж байсан, иргэний эрх зүй заасан гэдэг байх аа. Харамсалтай нь мань хүнээс хуульч хүнд байх наад захын соёл, суртахуун харагдлаггүй. Зүгээр л "жижхэн" Нямдорж гэх үү дээ. УИХ-ын гишүүн Б.Пүрэвдорж түүнийг "төлгөн коммунист" гэж загнасан нь ихээ оносон нэр шиг харагддаг.

Өмнөх парламентын үед ЖДҮ зээлтэй холбогдож "нэр баастсан" олон гишүүдийн нэг. Өөрийнхөө, дүүгийнхээ, эхнэрийнхээ баахан байрны ордероор баталгаа гаргаж байгаад "Өгөөдэй Ази" компанийн нэр дээр авсан 950 сая төгрөгийн ЖДҮ зээл нь Сонгинохайрхан дүүргийн 19-р хороонд бариулсан орон сууцны барилга руу нь орсон байх талтай. Барилгын газрыг тус дүүргийн ИТХ-ын даргаар ажиллаж байхдаа албан тушаалаа ашиглан дүүгийнхээ нэр дээр шилжүүлсэн байдаг.

Дээр нь Хууль зүй, дотоод хэргийн сайдад томилогдож буй хүнээс хамгийн түрүүнд асуух ёстой асуулт бол Эрүүгийн хуулийн шинэчилсэн найруулгад бичсэн "хөөн хэлэлцэх хугацааг" хассан явдал.

Авилга, албан тушаалын хэрэгтнүүд хөөн хэлэлцэх хугацаагаар ял завшиж буй хэрэг сөхөгдөнгүүт мань хүн "ХЗБХ дээр Ш.Раднаасэд гишүүн ийм санал гаргасан" /2017 оны явдал/ гэж хэлээд нэг удаа өнгөрөөсөн ч хожим хуульд дахин өөрчлөлт оруулах үед Ш.Раднаасэд гишүүн "Х.Нямбаатар гишүүн өөрөө энэ саналыг оруулсан" гэдгийг залруулсан билээ. Хөөн хэлэлцэх хугацааг хасах үед Х.Нямбаатар ажлын хэсгийг ахалж байсан. Ахалсан шалтгаан нь ч удалгүй тодорхой болсон.

Ийм нэг "хуулийн хулгайч" тухайлбал У.Хүрэлсүхийн Засгийн газар, кабинетэд нь багтчихсан байна. Заавал нэг хулгайчтай байж засагласан болдог бололтой.

Б.СЭМҮҮН

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

  • Mn
    Naad tologon komunistiin jdu-giin mongo 2shirheg shine 570 bolood zavshiad ongorson shuudee yum uzuugui golog shuud 570 tegeed buur 2-g shuu odoo tegeed huuliin said aan! Ene uls dampuurchee ! Odoo yaaya gehev dee yamar ard tumen bn tiim l tor bn gedeg! Hurdhan hugatsaand baga l horloosoi gej zalbirahaasdaa
    2020 оны 07 сарын 18 | Хариулах
iРедакцийн сонголт
iШинэ мэдээ
"Талийгаач охины хавирганууд хугарч, 12 хуруу гэдэс няцарсан шархтай байсан" 27 минутын өмнө Өвчтөний оношилгооны мэдээллийг улсын Дата төвд хадгална 34 минутын өмнө ФОТО: Ховд аймгийн 377 ээжид “Эхийн алдар” одон гардууллаа 43 минутын өмнө Баруун бүсийн оношилгоо, эмчилгээний төвийн үйл ажиллагаатай танилцав 51 минутын өмнө "Баян-Өлгий аймгийн Боловсролын салбар ерөөсөө шалан дээр унасан шүү" 59 минутын өмнө Баян-Өлгий аймагт сүүлийн дөрвөн жилд зургаан махны үйлдвэр байгуулагджээ 1 цаг 5 минутын өмнө Өргөө кино театрын зүүн талын авто замыг түр хаана 1 цаг 11 минутын өмнө Улаанбаатар хотын ундны усны нөөцийг нэмэгдүүлхээр ажиллаж байна 1 цаг 31 минутын өмнө Монгол Улсын терроризмтой тэмцэх зөвлөл Лхагва гаригт хуралдана 2 цаг 1 минутын өмнө УИХ-ын гишүүн асан Г.Солтанд холбогдох шүүх хуралдаан маргааш болно 2 цаг 9 минутын өмнө Санхүүгийн зохицуулах хороо мэргэжлийн холбоодтой хамтран ажиллах гэрээ байгуулав 2 цаг 20 минутын өмнө Б.Буджаргал 125 км замыг ХАМГИЙН БОГИНО хугацаанд туулж, АВАРГА боллоо 2 цаг 34 минутын өмнө Талийгаач охиныг эмээ, өвөө дээрээ Архангай аймагт байхад нь хүүхэд харуулхаар авчирсан байжээ 3 цаг 6 минутын өмнө Орон нутгийн сонгуульд санал өгөх сонгогчдын нэрийн жагсаалтад бүртгэгдсэн эсэхээ шалгаарай! 3 цаг 50 минутын өмнө “Сэргээгдэх эрчим хүч ба өвөлжилтийн бэлтгэл” сургалт, хэлэлцүүлэгт урьж байна 4 цаг 35 минутын өмнө Эрх мэдэлд дагалдах нь 5 цаг 39 минутын өмнө Есөн настай охин зодуулсан байдалтай нас барсан хэрэгт хойд эцгийг нь шалгаж байна 6 цаг 52 минутын өмнө Ж.Баясах: Өмнөд Монголын бичиг соёлын асуудалд АНУ-ын Конгрессоос илүү НҮБ дуугарах нь чухал 7 цаг 22 минутын өмнө “Warner Bros” студи “Жокер” киноны 2, 3 дугаар ангийг хийнэ 7 цаг 43 минутын өмнө Гуравдугаар эмнэлгийн зүрхний гажгийн мэргэжлийн баг орон нутгийн эмнэлэгүүдэд ажиллав 8 цаг 19 минутын өмнө
iИх уншсан
Сүнээ эргэж ирэв Цай Вэньруй: Хятадад нүүрсний хэрэглээ багасаж, бараг нүүрсн... ШХАБ-ын “цэрэг” Монгол руу орох уу? Төмөр нь байвал ОНГОЦ ч хийчихнэ Н.Баярмаа: Хайр гэдэг чинь нэг алдуурхаараа ухаанд дийлддэгг... Сингапурын торгууль гэж дэлхийд хосгүй зэвсэг байна Автобусны үнийг 200 төгрөг болгочихвол АН-ыг дэмжье Цэвэршилтийн тухай эмч танд юуг хэлээгүй байж болох вэ? Ерөнхийлөгч Х.Баттулга, Ерөнхий сайд У.Хүрэлсүх нар онцгой с... Хайртай хүндээ хайр ерөөх ухаан буюу Долли Партоны “Мөрөөдли... Михаил Афанасьевич Булгаков "Ган хоолой" Ж.Баясах: Өмнөд Монголын бичиг соёлын асуудалд АНУ-ын Конгре... Эрх мэдэлд дагалдах нь Монгол улс дампуурлын ирмэгт ирлээ Ц.Элбэгдорж: Олон орны Ерөнхийлөгчийг хааныхаа хөшөөнд мөргү... АРДЧИЛАЛ ба ТҮГЖРЭЛ ЗГ-ын тайлбар: Б.Сүндэръяад хэзээ ч ажлын санал тавьж байгаа... "Иргэдийн хуралд эрх мэдэлтнүүдийн ГАР ХӨЛ биш ИРГЭДИЙН ТӨЛӨ... УИХ-ын дарга Г.Занданшатар БНХАУ-ын Гадаад хэргийн сайд Ван ... 40 сая төгрөгийн шагналтай НӨАТ-ын урамшууллын тохирол ням г...
Top