x

Зарим хүмүүс усны цоргыг амаараа үмхээд усаа сорж ууж байна

“Хонхтой” гэж нийслэлчүүдийн нэрлэж заншсан төв талбайн урд хэсэгт байршилтай цэцэрлэгт хүрээлэн өнгө төрхөө өөрчлөөд удаагүй байна. Одоогоос гурван сарын өмнө Нийслэлийн хот тохижилтын газар, Улаанбаатар хотын Захирагчийн албанаас хамтарсан мэдээлэл хийж, шинэ өнгө төрх бүхий “Хонхтой” цэцэрлэгт хүрээлэнг зургаадугаар сар гэхэд ашиглалтад оруулна гэж мэдэгдсэн. Энэ нь ч ёсоор боллоо.

Цэцэрлэгт хүрээлэнд “аялгуут” гэх усан оргилуур, үзвэрийн зорилгоор ашиглагдах боржин талбай болон шинэ бие засах газар нэмэгдсэн нь онцлог. “Аялгуут” хэмээж буйн учир нь талбай тойрон байршсан өсгөгчөөс хөгжим явахад усан оргилуур тухайн хэмнэлд нь тохирсон хөдөлгөөнөөр оргилж байгаа юм. Өөрөөр хэлбэл усан оргилуур аялгуунд нийцүүлэн “бүждэг” юм билээ. Түүнчлэн цэцэрлэгийн ногоон байгууламж бүхэлдээ автомат усалгааны системээр тоноглогдсон нь амжилт болж байгаа юм.

Харин эдгээрээс өөр нэгэн онцлох шинэ жишиг “Хонхтой” цэцэрлэгт хүрээлэнд байршсан нь “Амны ус” билээ. Цэцэрлэгт хүрээлэнгийн баруун, зүүн хоёр захад байршсан энэ төхөөрөмж бол гаднын орнуудад элбэг тааралддаг бүтээн байгуулалт. Иргэдэд гэнэт ам нь цангах, эсвэл амаа зайлмаар болох шаардлага гарахад “Амны ус” тус болдог.

Өмнө нь олон нийтийн хэрэгцээнд ийм хэлбэрийн “Амны ус” байршиж байгаагүй тул үүнийг шинэ тутам соёлд тооцох нь аргагүй болж байгаа юм. Ингээд иргэд нийслэлчүүд шинэхэн “Амны ус”-тай хэрхэн харьцаж байгааг сурвалжиллаа.

Биднийг ирэхэд агаарын температур 25 гаруй хэм, тэнгэр үүлгүй, орой дээрээс нар шарж байв. Яг ийм үед л цэцэрлэгт хүрээлэнгээр зөрж өнгөрөх ам нь цангасан, халууцсан хүмүүст “Амны ус” хэрэг болох учиртай, тийм ч зориулалттай. Ажиглахад хаа нэгхэн хүмүүс саатан зогсозноод, цоргыг нээж, усаа уугаад цааш явж байна. Тийм ч түгээмэл хэрэглээ болж амжаагүй байх шиг харагдав.

“Амны ус”-ыг хэрэглэхийн тулд цоргоны дээр байрлалтай бөөрөнхий товчийг бага зэрэг чангаар дарах хэрэгтэй аж. Ингэхэд ус нам өндрөөр олгойдон гоожиж эхэлнэ. Ийн уруулаа цоргоны амсарт хүргэлгүй алс зайд тогтоож, гоожиж буй уснаас уух ёстой юм. Гадна нь “Гар, нүүрээ угааж болохгүй” гэхчлэн анхааруулгыг бичиж өгчээ.

Уухад ус нь хага ташим хүйтэн биш ч ер сэрүүн талдаа юм байна. Цоргыг хоёроос гурван удаа нээж уухад амны цангаа хангалттай тайлагдахаар хийгджээ.

Наана, цаагуур нь хүмүүс хөлхөлдөх ч “Амны ус” дээр ирж саатах нь тун цөөн байна. Цэцэрлэгт хүрээлэнгийн хоёр захад байршуулж өгсөн нь зөвхөн хүрээлэн дотор биш, гадна, дэргэдүүр нь өнгөрч яваа хүмүүст олж харахад хялбар байх зорилготой болов уу.

Ингээд “Амны ус”-наас ууж үзсэн Баянзүрх дүүргийн оршин суугч хижээл насны эрэгтэйн сэтгэгдлийг сонслоо. Тэрбээр, “Тун зүгээр юм байна. Ид халуун зунаар уух зүйлд мөнгө зарлагадахгүй, хажуугаар нь өнгөрөхдөө хэд балгачхаж болохоор. Амны цангаа тайлах юм байна. Усных нь амт, халуун хүйтэн нь боломжийн байна” гэлээ.

Харин хот, тохижилтын албаныхан “Амны ус”-ны тогтмол хэрэглэгчид болжээ. Тэд байн байн хүрч ирээд усны савандаа “Амны ус”-наас ус хийн дүүргэж аваад буцацгаах аж. Тэдний нэгтэй яриа өрнүүлэхэд дараах зүйлсийг хэлсэн нь анхаарал татсан юм.

“Энэ “Амны ус” ажиллаж эхлээд удаагүй байна л даа. Хүмүүс яах вэ, мэдэх нэг нь ирээд ууж л харагдаж байна. Энэ бол шууд доороосоо цэвэршүүлсэн устай холбогдчихсон байгаа. Зуны халуунд тун зүгээр эд юм билээ.

Өдөржин наранд ажилладаг бидэнд их таатай байгаа. Ирж усны саваа дүүргэж авна, эсвэл шууд ууна. 

Үүгээр явахдаа ажиглахад зарим хүн цоргонд нь уруулаа хүргэчихсэн, эсвэл бүр амандаа үмхчихсэн хөхөж, сорж уугаа харагдах юм. Ингэж болохгүй шүү дээ. Коронавирус гээд бүгд халдвараас сэргийлж байхад зарим хүн ийм үйлдэл гаргаж байна”.

“Хонхтой” цэцэрлэгт хүрээлэнгийн талбайд ажилладаг хот, тохижилтын албаны хүн ингэж ярилаа. Иймд иргэдэд зориулж энэхүү “Амны ус”-ны төхөөрөмжийг хэрхэн зөв, зохистой хэрэглэх талаар зөвлөмж бэлтгэлээ.

АНУ-ын Tyentusa сайт дээрх мэдээллээс иш татахад:

“Амны ус”-ыг англи хэлээр “Drinking water fountain”, эсвэл “Water fountain” гэхчлэн нэрлэдэг юм байна. Өрнийн орнуудад эхэлж үүссэн энэ соёл эрүүл ахуйн шаардлагыг хэр хангадаг вэ гэх асуулт үргэлж тавигддаг аж. Харин мэргэжлийн хүмүүс хэрэв зөв хэрэглэвэл ямар ч халдварт өвчин тусах эрсдэлгүй гэж тайлбарладаг.

Тухайн хүний дархлаа тогтолцоо сул үед цоргоны гадаргуу дээр наалдсан хүмүүсийн гарын хирээр дамжиж E.Coli тэргүүтэй гэдэсний бактериар өвчлөх тохиолдол гардаг. Гэхдээ энэ нь цөөн гэж тайлбарлажээ.

“Амны ус”-ыг зөв ашиглахын тулд:

  • Нэгт, цоргыг нээж, усыг гоожуулах

  • Хоёрт, усыг гоожуулан оргилуулж хэдэн секунд болох

  • Гуравт, уруулаа цоргонд хүргэлгүйгээр оргилж буй уснаас уух

  • Дөрөвт, цоргонд гараараа хүрсэн тул гараа ариутгах, эсвэл угаах хэрэгтэй юм байна.

Эх сурвалж: Eguur.mn

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

  • DR. PRADHAN
    Хүндэт ноён / хатагтай, Энэ нь Adityapradhan эмнэлгийн талаар олон нийтэд мэдээлэх явдал юм эмнэлэг эрүүл бөөрний донор хайж байна 100% ноцтой байгаа хүмүүс бөөрөө 780,000 сая доллараар зардаг Сонирхсон хандивлагчид манай имэйлээр яаралтай холбоо барина уу. DR.PRADHAN.UROLOGIST.LT.COL@GMAIL.COM Та бөөрөө зарахыг хүсч байна уу? Та санхүүгийн хямралын улмаас бөөрөө мөнгөөр зарах боломж хайж байгаа тул юу хийхээ мэдэхгүй байна уу? Дараа нь бидэнтэй өнөөдөр DR.PRADHAN.UROLOGIST.LT.COL@GMAIL.COM хаягаар холбогдоорой. Манай эмнэлэгт бөөр яаралтай хэрэгтэй тул бид танд бөөрнийхөө сайн хэмжээг санал болгоно. имэйл: DR.PRADHAN.UROLOGIST.LT.COL@GMAIL.COM Үнэ: 780,000 доллар. Вэб: https://www.drpradhanurologist.com
    2020 оны 06 сарын 29 | Хариулах
iШинэ мэдээ
ХӨЛ ХОРИОНЫ хугацааг долдугаар сарын 31-нийг дуустал СУНГАВ 14 цаг 40 минутын өмнө Тусгаарлах байрны хүчин чадлыг нэмэгдүүлж, иргэд татан авалтыг эрчимжүүлнэ гэв 14 цаг 46 минутын өмнө Л.Баярсайхан: Аав, ээж нь хүүгээ алдсан, дээрээс нь эмнэлгийн төлбөрт унаж, хүнд байдалд орчихоод байна 14 цаг 56 минутын өмнө ОХУ-ын Холбооны Хурал "Монгол, ОХУ-ын найрсаг харилцаа, иж бүрэн стратегийн түншлэлийн тухай гэрээ"-г баталжээ 15 цаг 6 минутын өмнө 1990-ээд оны хамгийн шилдэг киногоор Форест гампыг нэрлэжээ 15 цаг 12 минутын өмнө Гадаадад байгаа монголчууд онгоц хөлслөөд ирэх нь ИЛҮҮ ХЯМД 15 цаг 27 минутын өмнө Г.Занданшатар: Эх орон, их түүхийнхээ Эзэн монголчууд минь дэлгэр сайхан наадаарай 18 цаг 6 минутын өмнө Байнгын хороодын дарга нарыг сонгов 18 цаг 12 минутын өмнө Баярын амралтын өдрүүдэд нэгдсэн эмнэлгүүд 24 цагаар ажиллана 18 цаг 18 минутын өмнө Орон нутгийн замд автомашин онхолдож 7 хүн амиа алджээ 18 цаг 25 минутын өмнө Онгоцонд мэндэлсэн ХОЁР ИХЭР охины биеийн байдал сайн байна 18 цаг 55 минутын өмнө Үндэсний их баяр наадмын хязаалан насны морьдын уралдааныг хойшлууллаа  19 цаг 15 минутын өмнө Истанбул-УБ чиглэлийн тусгай онгоцонд нэгэн эх амаржиж ИХЭР ОХИНТОЙ болжээ Уржигдар 21 цаг 13 минутад Д.Одбаясах: 20 жил дэлхийн алдартай 100 тайзан дээр тоглож байж авсан миний шагнал Соёлын тэргүүний ажилтан... Уржигдар 17 цаг 44 минутад "Үндэсний их баяр наадмаар Төрийн шагнал олгохгүй" Уржигдар 17 цаг 35 минутад БНСУ-д нутаг нэгт дөрвөн залууд зодуулсан монгол залуу нас баржээ Уржигдар 17 цаг 23 минутад Алт цэвэршүүлэх нэрээр мөнгө угаах төслийг ҮАБЗ мэдсэн үү? Уржигдар 16 цаг 46 минутад Н.Номтойбаярыг ял авахад “ТОПОР” ахтайгаа муудалцсан нь нөлөөлсөн болов уу? Уржигдар 16 цаг 35 минутад Заавал нэг хулгайчтай байж засаг барьсан болдог Уржигдар 16 цаг 27 минутад Төв аймгийн Лүн, Эрдэнэсант сум чиглэлийн зам эвдэрч, усанд автжээ Уржигдар 16 цаг 03 минутад
iИх уншсан
Дураараа дургиж, дунд чөмгөөрөө жиргэх үзэгдэл Заавал нэг хулгайчтай байж засаг барьсан болдог Ц.Баттуяа: Нас барсан хүнээр санал өгүүлсэн Сонгуулийн хороо... Эрх баригч нам томилгоондоо оруулж ирвэл төрд хэрэгтэй зайра... Хэлсэн үг хийсэн ажил нь зөрдөг МАН Н.Номтойбаярыг ял авахад “ТОПОР” ахтайгаа муудалцсан нь нөлө... Монгол улс ажиглагчаас ахиж, ШХАБ-д жинхлэх цаг болсон уу? Алт цэвэршүүлэх нэрээр мөнгө угаах төслийг ҮАБЗ мэдсэн үү? Ж.Эрдэнэбатын хэрэг парламентад ямар жишиг тогтоох бол Л.Баярсайхан: Аав, ээж нь хүүгээ алдсан, дээрээс нь эмнэлгий... Гадаадад байгаа монголчууд онгоц хөлслөөд ирэх нь ИЛҮҮ ХЯМД БНСУ-д нутаг нэгт дөрвөн залууд зодуулсан монгол залуу нас б... С.Баярцогт, Б.Бямбасайхан, Д.Ганболд нар батлан даалтаар гар... У.Хүрэлсүх: Би үхэхээс бусдыг үзсэн парламентын гишүүн. Би э... Н.Номтойбаярт 5.5 жилийн хорих ял оноолоо Д.Сарангэрэл Байгаль орчин, аялал жуулчлалын яам, Х.Нямбаата... УИХ-ын гишүүнээр сонгогдсон Ж.Эрдэнэбатад зургаан жил хорих ... Ялагдлаас өндийж, улс төрийн хүчирхэг институцийн хувьд эргэ... Ерөнхийлөгч, Ерөнхий сайд хоёр Засгийн газрын ийм хувилбаруу... С.Эрдэнэ Ц.Туваанд АН-ын тамгыг хоёр удаа шилжүүллээ 
Top