ЕТГ-ын дарга Г.Занданшатар Монгол Улсын Ерөнхий сайдаар томилогдсонтой холбогдуулан Ерөнхийлөгч У.Хүрэлсүх захирамж гаргаж, Алтанхуягийн Үйлстөгөлдөрийг Ерөнхийлөгчийн Тамгын газрын даргаар томиллоо.

Монгол Улсын 34 дэх Ерөнхий сайд Гомбожавын Занданшатар өнөөдөр Засгийн газрын тамга гардан авснаар албан ёсоор үүрэгт ажилдаа орлоо. Энэ үеэр Монгол Улсын 33 дахь Ерөнхий сайд Лувсаннамсрайн Оюун-Эрдэнэ Засгийн газрын тамгыг хүлээлгэн өгөхдөө улс орны хөгжил дэвшлийн их үйл хэргийг залгамжлан авч явахад нь түүний багт амжилт хүсээд, “Алсын хараа-2050” урт хугацааны хөгжлийн бодлогыг тууштай үргэлжлүүлэхийг онцлон хүслээ.

Монгол Улсад өнөөдөр хөдөлмөрийн хөлсний доод хэмжээ 1 цагт 4715 төгрөг буюу нэг сард 792 мянган төгрөг байна.Тэтгэврийн реформыг хэрэгжүүлэхээр Нийгмийн даатгалын багц хуульд нэмэлт, өөрчлөлт оруулах хуулийн төслийг өргөн барихаар бэлдэж байна.

Яамдын тоог цөөлөөд, нэр усыг нь солихоор дагаад баахан зардал гардаг. Тэрнээс илүүтэй зардал гаргадаг яамны статустай 59 үндэсний хороо, үндэсний зөвлөл байна. Чиг үүргийн шинжилгээ хийж, чиг үүргийн давхардалтай хороодыг цомхотгох нь  зардал, үр ашиггүй байдлыг хэмнэх  бололцоо гэж бодож байна.

Төрийн байгуулалтын байнгын хорооноос гаргасан санал дүгнэлтийг Ж.Бат-Эрдэнэ гишүүн танилцуулав. Байнгын хорооны гишүүдийн дийлэнх олонхийн саналаар Г.Занданшатарыг Ерөнхий сайдад томилохыг дэмжжээ.

УИХ-ын Төрийн байгуулалтын байнгын хорооны өнөөдрийн хуралдаан 12:00 цагт эхэлж, Монгол Улсын Ерөнхий сайдад Г.Занданшатарыг томилох асуудлыг хэлэлцлээ. МАН-ын бага хурлын шийдвэрийн дагуу түүнийг Ерөнхий сайдад нэр дэвшүүлж, зургаадугаар сарын 10-нд Ерөнхийлөгчид саналаа хүргүүлсэн байна. Монгол Улсын Ерөнхийлөгч уг саналыг тав хоногийн дотор УИХ-д оруулан хэлэлцүүлэх хуультай тул өнөөдөр Ерөнхийлөгчийн Тамгын газрын дэд дарга А.Үйлстөгөлдөр УИХ-ын Төрийн байгуулалтын байнгын хороонд нэр дэвшигчийг танилцууллаа.

Хамтарсан Засгийн газар богино хугацаанд сайн ажилласан, ажлууд нь үргэлжлэх ёстой. Би бусад намуудтай уулзаж ярилцаагүй. Ерөнхий сайдаар томилбол УИХ-д суудалтай намуудтай улсынхаа эрх ашгийн төлөө хамтарч ажиллана.

Ерөнхий сайдад нэр дэвшигчийн асуудлаар АН бүлгийн шийдвэр гаргахгүй, гишүүд өөрсдийн үзэмжээр саналаа өгөх шийдвэрт хүрсэн байна.

Монгол Улс, БНХАУ-ын хоорондын хилийн хамтын ажиллагааг бэхжүүлэх зорилгоор байгуулагдсан Хилийн хамтарсан комиссын зургаа дахь удаагийн хуралдаан энэ сарын 10, 11-нд Улаанбаатар хотноо амжилттай зохион байгуулагдлаа. Хуралдааныг монголын талаас Гадаад харилцааны яамны Гэрээ, эрх зүйн газрын захирал Ж.Соёлмаа, хятадын талаас Гадаад хэргийн яамны Хил, далайн хэргийн газрын Элчин зөвлөх Сун Хунлянь нар ахалж оролцов.

Монгол Улсын Сонгуулийн ерөнхий хороо Ардчилал, сонгуульд дэмжлэг үзүүлэх олон улсын хүрээлэнтэй хамтран “Сонгууль ажиглах Азийн жишиг төв” байгуулах талаар санамж бичиг байгууллаа. Гарын үсэг зурах ёслол Швед улсын Стокхолм хотод, тус хүрээлэнгийн төв байранд энэ сарын 10-нд болж, Монголын талаас СЕХ-ны дарга П.Дэлгэрнаран, олон улсын талын зүгээс Ерөнхий нарийн бичгийн дарга Кэвин Касас-Замора нар оролцож, санамж бичигт гарын үсэг зурсан юм.

Хамгийн муу хувилбараар буюу МАН-аас бусад намын төлөөлөл бүгд эсрэг байлаа гэхэд хууль, УИХ-ын тогтоолыг батлах 64 гишүүний санал МАН-д байгаа гэсэн үг. Гэвч парагматикаар бодож үзвэл байнга 64 гишүүн бэлэн байна гэдэг хэцүү бөгөөд бусад нам, эвслийн дэмжлэггүйгээр засгийн газрын үйл ажиллагаа, ер нь парламентын үйл ажиллагаа хэвийн явахад хүндрэлтэй л байх болов уу. Мөн нийгэм дэх нөлөөллийг бас тооцож үзэхээс өөр аргагүй, учир нь бүгд л мэдэж байгаа ямар ч мундаг, хэрэгтэй төсөл байлаа гээд харлуулах өнцөг заавал гарч ирдэг шүү дээ.

Өнөөдөр УИХ-ын нэгдсэн чуулганаар /2025.06.12/ Ерөнхий сайдын томилгоог хэлэлцэнэ. Чуулганы хуралдаанаас өмнө 10.00 цагаас ТББХ хуралдаж уг асуудлаар шийдвэрээ гаргана. Үүний дараа 12.00 цагаас чуулганы нэгдсэн хуралдааныг хуралдуулахаар товлоод байна.

Эрдэнэс Монгол нэгдлийн зүгээс “Тэрбум мод” үндэсний хөдөлгөөний хүрээнд томоохон зорилт тавин ажиллаж байна. Нэгдлийн хэмжээнд уул уурхайн үйл ажиллагаа эрхэлдэг найман компани нэгдсэн зохион байгуулалттайгаар Хархорумын ногоон бүсийн 778 га талбайд нийт 563 мянган мод тарих үүрэг хүлээжээ. Тус ажил нь зөвхөн амлалт бус, биелүүлэх төлөвлөгөөний хүрээнд энэ ондоо бүрэн гүйцэтгэгдэх зорилт тавигдсан байна.

Улсын Их Хурлын Эдийн засгийн байнгын хорооны зургадугаар сарын 10-ны өдрийн хуралдаанаар Засгийн газраас 2025 оны тавдугаар сарын 16-нд өргөн мэдүүлсэн “Стандартчилал, техникийн зохицуулалт, тохирлын үнэлгээний итгэмжлэлийн тухай” хуулийн шинэчилсэн найруулгын төслийг хэлэлцлээ.

Улсын Их Хурлын Эдийн засгийн байнгын хороо Хот байгуулалтын тухай хууль /Шинэчилсэн найруулга/-д нэмэлт оруулах тухай хуулийн төсөл болон хамт өргөн мэдүүлсэн хуулийн төслүүдийн хэлэлцэх эсэхийг шийдвэрлэлээ.