АНУ-ын Ерөнхийлөгч Дональд Трамп болон ОХУ-ын Ерөнхийлөгч Владимир Путин нар пүрэв гарагт утсаар холбогдон, нэг цаг орчим ярилцсан талаар Кремль мэдээллээ. Тус ярианы үеэр Ерөнхийлөгч Трамп Украин дахь цэргийн ажиллагааг аль болох богино хугацаанд зогсоох асуудлыг дахин хөндсөн байна. Харин В.Путин хэлэлцээ хийхэд бэлэн гэдгээ илэрхийлсэн ч “цэргийн тусгай ажиллагааныхаа” зорилгоос ухрахгүй гэдгээ онцолжээ.

Тайланд улсын Накхан Патом хотноо энэ сарын арван хоёрноос арван есний өдрүүдэд зохион байгуулагдах эрэгтэйчүүдийн U-15 насны волейболын Азийн аварга шалгаруулах тэмцээнд Монголын шигшээ баг оролцох гэж байна. Тус багт Сэлэнгэ аймгийн Ерөнхий боловсролын Спортын сургуулийн сурагчид болох Н.Түвшинбаяр, Б.Эрболд, О.Өсөх-Ирээдүй нар шалгарч, улс, аймаг, сургууль, үе тэнгийн хүүхдүүдээ төлөөлөн олон улсын тавцанд өрсөлдөх эрхтэй болсон нь онцлох үйл явдал боллоо.

Гүрж улсын Батуми хотноо зургадугаар сарын хорин хоёрноос долоодугаар сарын хоёрны өдрүүдэд зохиогдсон 8, 10, 12 насны ангиллын Дэлхийн цомын шатрын тэмцээнд манай улсаас дөрвөн тамирчин өрсөлдсөнөөс 12 хүртэлх насны охидын ангилалд И.Цэлмүүн хүрэл медаль хүртэж, түүхэн амжилт тогтоолоо.

Халдварт өвчин судлалын үндэсний төвөөс мэдээлснээр, 2025 оны долдугаар сарын дөрөвний байдлаар улаанбурхан өвчний батлагдсан нийт тохиолдол арван нэгэн мянга дөрвөн зуун хорин ес хүрсэн байна. Одоогоор эмнэлэгт 554 хүн хэвтэн эмчлүүлж байгаа бөгөөд тэдний дотор хөнгөн хэлбэрийн өвчтөн 69, дунд зэрэг 446, хүнд 37, нэн хүнд хоёр хүн эмчлүүлж байна.

Нийслэлийн Засаг даргын дэргэдэх Нийгмийн хамгааллын тусгай төвийн дарга Ш.Мөнхцэцэг болон БНСУ-ын “Хан мөрнийг хамгаалах хөдөлгөөний төв” төрийн бус байгууллагын ерөнхийлөгч Нам Гүнг Ван нар хамтын ажиллагааны санамж бичигт гарын үсэг зурлаа. Уг арга хэмжээг нийслэлийн ЗДТГ-ын Нийгмийн бодлогын газрын мэргэжилтэн М.Намсрайхүү нээж, Улаанбаатар болон Намъянжү хотуудын олон жилийн найрамдал, хамтын ажиллагааны талаар онцлон ярив. 1998 оноос хойш хоёр хот боловсрол, соёл урлаг, хөдөө аж ахуй зэрэг салбарт хамтын ажиллагааг өргөжүүлсээр ирсэн бөгөөд энэ уламжлалын хүрээнд энэхүү шинэ санаачилга хэрэгжиж байгаа юм.

Өнөөдөр 10 цагт Монгол Улсын Ерөнхийлөгч У.Хүрэлсүхийн ивээл дор Өндөр гэгээн Занабазарын мэндэлсний 390 жилийн ойн хүрээнд зохион байгуулж буй “Монгол дархан: Өв урлахуй” тусгай үзэсгэлэн Чингис хаан Үндэсний музейд нээгдэх гэж байна. Үзэсгэлэн нь монгол дархны уламжлал, өв соёлыг олон нийтэд танилцуулах зорилготой юм.

Монгол Улсын Их Хурлын дарга Д.Амарбаясгаланд өчигдөр УИХ-ын гишүүн Д.Рэгдэл, Б.Уянга, Г.Хосбаяр нар Шинжлэх ухаан, технологийн тухай хуульд нэмэлт, өөрчлөлт оруулах тухай хуулийн төслийг өргөн барьсан байна. Тус хуулийн нэмэлт өөрчлөлтөөр төрийн өмчит эрдэм шинжилгээний байгууллагыг судалгааны чиглэлээр төр, орон нутгийн өмчийн хөрөнгөөр бараа, ажил, үйлчилгээ худалдан авахад зарлагдсан сонгон шалгаруулалтад оролцох үед тендерийн болон гүйцэтгэлийн баталгаанаас чөлөөлөх зохицуулалтыг тусгажээ.

Улсын Их Хурлын 2025 оны долдугаар сарын гуравны өдрийн нэгдсэн хуралдаанаар Үндэсний их баяр наадмын тухай хуульд өөрчлөлт оруулах тухай хуулийн төслийн анхны хэлэлцүүлгийг хийж, зарчмын зөрүүтэй санал гараагүй тул анхны хэлэлцүүлгийг эцэслэн батлах горимын саналыг дэмжсэн байна.

Улсын Их Хурлын 2025 оны долдугаар сарын гурваны өдрийн нэгдсэн хуралдаанаар “Зээлийн хүүг бууруулах хүрээнд авах зарим арга хэмжээний тухай” Улсын Их Хурлын тогтоолын төслийг хэлэлцлээ. Эдийн засгийн байнгын хорооны санал, дүгнэлтийг УИХ-ын гишүүн Л.Соронзонболд танилцуулж, тогтоолын төслийн хүрээнд зээлийн хүүг бууруулахтай холбоотой арга хэмжээг хэрхэн хэрэгжүүлэх талаар байнгын хорооны байр суурийг мэдээлэв.

Монгол Улсын Их Хурлын 2025 оны долдугаар сарын дөрөвний өдрийн нэгдсэн хуралдаан өнөөдөр 10 цагт “Их хуралдай” танхимд болох бөгөөд дараах асуудлуудыг хэлэлцэхээр төлөвлөжээ. Үүнд: Монгол Улсын Үндсэн хуулийн цэцийн 2025 оны тавдугаар дүгнэлтийг танилцуулж, хувь хүний орлогын албан татварын тухай хуулийн 21 дүгээр зүйлийн 21.1 дэх хэсэг Үндсэн хуулийг зөрчсөн эсэх талаарх маргааны шийдвэрийг хэлэлцэнэ. Мөн Нийгмийн даатгалын үндэсний зөвлөлийн гишүүнийг томилох, чөлөөлөх тухай асуудлыг авч хэлэлцэхээр байна.

УЛААНБААТАР ХОТ ОРЧМООР: Үүлшинэ. Дуу цахилгаантай бага зэргийн аадар бороо орно. Салхи баруун хойноос секундэд 5-10 метр, борооны өмнө түр зуур ширүүснэ. Өдөртөө 22-24 хэм дулаан байна.

Компанийн дэлхий даяарх хүргэлтийн сүлжээний ажлын 75 орчим хувийг робот техникийн тусламжтайгаар гүйцэтгэж байгаа бөгөөд Амазоны нэг салбар дахь ажилтнуудын тоо 670 орчим байгаа нь сүүлийн 16 жилийн хугацаан дахь хамгийн доод үзүүлэлт юм.

Испанийн Самора мужийн A-52 хурдны замын 65 дахь километрт болсон ослын улмаас Диогу болон Испанийн “Пеньяфьел” багт тоглодог түүний дүү, 26 настай Андре нар нас баржээ. Ах, дүү хоёрын сууж явсан автомашин замаас гарсныхаа дараа шатсан байна.  

Бүх тусламж цагаа олсон, өндөр үр өгөөжтэй хэрэгжсэн. Ялангуяа, миний онцлон дурдахыг хүсэж байгаа төсөл бол яахын аргагүй иенийн хөнгөлөлттэй зээлээр баригдсан “Улаанбаатар хотын олон улсын шинэ нисэх онгоцны буудал” юм.

Тулаан ирэх оны дөрөвдүгээр сарын 18-нд Лондоны "Уэмбли" цэнгэлдэх хүрээлэнд болно. Өдгөө 38 настай Усик Дэлхийн боксын холбоо (WBA, "супер" ангилал), Дэлхийн боксын байгууллага (WBO), Дэлхийн боксын зөвлөлийн (WBC) аваргын бүсүүдийг эзэмшдэг.

Шөнөдөө баруун болон төвийн аймгуудын нутгийн зарим газар, зүүн аймгуудын нутгийн хойд хэсгээр, өдөртөө нутгийн зарим газраар бороо, дуу цахилгаантай аадар бороо орно. Маргааш Хангай, Хөвсгөлийн уулархаг нутгаар бороо орж, сэрүүхэн байна.

“Эрдэнэс Тавантолгой” ХК 2024 онд 30.4 сая тонн нүүрс олборлож, 3.0 тэрбум ам.долларын үнэлгээтэй 29.6 сая тонн нүүрс борлуулж, Монгол Улсын төсөвт 3.5 их наяд төгрөгийн татвар хураамж төлжээ.

Монголын Хуульчдын холбооны зөвлөлөөс хуульчийн мэргэжлийн шалгалтыг энэ жил 10 дахь удаагаа аравдугаар сарын хорин хоёрноос хорин дөрөвний өдрүүдэд зохион байгуулахаар товложээ. Хуульд заасны дагуу шалгалтын товыг наад зах нь далан тав хоногийн өмнө олон нийтэд мэдээлэх үүрэгтэй тул өнөөдөр хэвлэлийн бага хурал хийж, албан ёсоор зарласан байна.

Улсын Их Хурлын гишүүн П.Батчимэг, Х.Болормаа, О.Батнайрамдал, Н.Батсүмбэрэл, С.Эрдэнэболд, Дав.Цогтбаатар, П.Сайнзориг, Г.Лувсанжамц, С.Цэнгүүн нар Замын хөдөлгөөний аюулгүй байдлын тухай хуульд нэмэлт, өөрчлөлт оруулах тухай хуулийн төслийг боловсруулж, Улсын Их Хурлын дарга Д.Амарбаясгаланд өргөн барилаа.

Армени улсын ерөнхийлөгч асан Серж Саргсяныг хээл хахууль авсан, хууль бусаар бизнесийн үйл ажиллагаа эрхэлсэн хэрэгт холбогдуулан тус улсын Авлигатай тэмцэх хороо шалгаж байгаа талаар Armenpress агентлаг мэдээллээ. Саргсян 2000-2008 онд Батлан хамгаалахын сайд, Ерөнхий сайд, улмаар Ерөнхийлөгчөөр ажиллаж байх хугацаандаа албан тушаалын байдлаа ашиглан итгэмжит хүмүүсээрээ дамжуулан арилжааны компаниуд байгуулж, удирдалцаж байсан нь мөрдөн байцаалтаар тогтоогдсон байна.