x

Шунахайн сэдлээр төрсөн эгчийгээ хөнөөсөн залууд бүх насаар нь хорих ял оноолоо

Төрсөн эгчийгээ найзтайгаа нийлэн санаатайгаар амийг нь хөнөөж, цогцсыг нь байранд нь шатаасан хэрэг өнгөрсөн 2018 оны дөрөвдүгээр сард гарсан. Энэ сарын 1-ний өдөр Баянзүрх, Сүхбаатар, Чингэлтэй дүүргийн эрүүгийн хэргийн анхан шатны шүүхэд гэмт этгээдүүдийг шүүх хурлын урьдчилсан хэлэлцүүлэг болсон.

Тэгвэл өчигдөр буюу 2019.03.13-ны өдөр төрсөн эгчийгээ шунахайн сэдлээр галдан шатаасан залууд бүх насаар нь хорих ял Баянзүрх дүүргийн Эрүүгийн хэргийн анхан шатны шүүхээс оноолоо. 

Шүүх бүрэлдэхүүнийг шүүгч С.Өсөхбаяр ахалж, улсын яллагчаар Ч.Алтансүх шүүгдэгч нарын өмгөөлөгчөөр Д.Батсүх, Б.Чулуунцэцэг, хохирогчийн хууль ёсны төлөөлөгчөөр Д.Түвшинтулга нар оролцож, нийт 13 хохирогчтой хурал болжээ. Шүүхээс Д.Батхуяг, О.Энхбаяр нарт бүх насаар нь хорих ял оноогоод байна.

Хэргийг эргэн сануулахад, 2018 оны дөрөвдүгээр сарын 21-нд Баянзүрх дүүргийн 26-р хороонд байрлах “Саруул” хотхонд гал гарлаа гэсэн дуудлага Онцгой байдлын газарт ирсэн байдаг. Дуудлагын дагуу очиход 27 настай эмэгтэй галд өртөж амиа алдсан байсан бөгөөд цагдаагийн байгууллага шалгахад талийгаач гадны нөлөөтэй нас барсан нь тогтоогдсон байна. Улмаар, мөрдөн байцаалт явуулснаар түүний төрсөн дүү болох 20 настай Д.Батхуяг  нь 21 настай найз О.Энхбаярын хамт өс хонзон, шунахайн сэдлээр эгчийнхээ хоолойг нь боож амийг нь хөнөөгөөд хэргийн ул мөрөө баллахын тулд гэрийг нь галдан шатаасан нь тодорхой болсон юм.

Талийгаач эмэгтэй гэртээ ганцаараа амьдардаг байсан бөгөөд амиа алдахаасаа өмнө дансандаа  30 сая төгрөг байршуулсан байжээ. Түүний дүү Д.Батхуяг нь шунахайн сэдлээр бүлэглэн эгчийнхээ амь насыг нь хохироосон болохоо мөрдөн байцаалтын явцад хүлээн зөвшөөрсөн байдаг.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

  • зочин
    харах царайн халхын шээс хогийн хулгайч байна даа
    2019 оны 03 сарын 15 | Хариулах
Top