ЦЕГ-ын дарга С.Баатаржав тушаал гаргаж, ажлын бус цагаар согтууруулах ундаа хэрэглэж, зодоон хийсэн цагдаагийн нэр бүхий албан тушаалтнуудад хариуцлага тооцож, ажлаас нь чөлөөлжээ.
Тодруулбал, Цагдаагийн ерөнхий газрын Хяналт шалгалт, үнэлгээ, дотоод аудитын хэлтсийн ахлах байцаагч, цагдаагийн хурандаа Ц.Ариунбат, Нийслэлийн цагдаагийн газрын ахлах байцаагч, цагдаагийн дэд хурандаа Д.Отгонжаргалыг ажлын бус цагаар согтууруулах ундааны зүйл хэрэглэсэн үедээ маргалдаж, иргэдийн амгалан тайван байдлыг алдагдуулж сахилгын зөрчил гаргасан хэмээн үзэж, Цагдаагийн ерөнхий газрын даргын энэ оны б/36 тоот тушаалаар 2019 оны 01 дүгээр сарын 15-ны өдрөөр тасалбар болгон үүрэгт ажлаас нь чөлөөлсөн байна.
Тодруулбал, Цагдаагийн хурандаа нар нэгнийхээ гэрт архидан согтуурч байгаад хоорондоо маргалдаж, нэгнийгээ гэмтээсэн хэрэг гарсан, хэргийг холбогдох байгууллагууд шалгаж байгаа юм.