Белорусын теннисчин Арина Соболенко дэлхийн теннисний түүхэнд байгаагүй өндөр шагналын мөнгө авлаа. Тэрээр өнгөрсөн ням гарагт Нью-Йоркт болсон US Open Их дуулга тэмцээний эмэгтэйчүүдийн ганцаарчилсан тоглолтын аваргаар хоёр дахь жилдээ дараалан түрүүлж, $5 сая шагналын мөнгөтэй жагсаалтад орсон гэж Tennis Temple сайт мэдээлжээ.
Есдүгээр сарын 6-нд болсон шөвгийн тоглолтод Соболенко Америкийн теннисчин Аманда Анисимоваг хожиж, тэмцээний хошой аварга болжээ. Энэ нь түүний Их дуулга цувалын дөрөв дэх цол бөгөөд Австралийн тэмцээнүүдэд хоёр удаа, АНУ-д хоёр удаа түрүүлсэн амжилттай давхарласан тэмцээн болж байна. Ингэснээр Соболенко эмэгтэй теннисчдийн чинсааг тэргүүлж байгаа нь улам батлагдлаа.
Спортын карьертаа тэрээр нийт $42.24 сая шагналын мөнгө олсон нь Уильямсын эгч дүү хоёр болон бусад алдартнуудын амжилтыг давж гарсан үзүүлэлт болжээ.
Белорусын тамирчнаас гадна US Open тэмцээний дээд шагналыг Испанийн теннисчин Карлос Алькарас авсан байна. Алькарас финалд Италийн Янник Синнер-ыг хожиж, дэлхийн нэг номерын тамирчин цолоо эргүүлэн авсан амжилт үзүүлжээ.
