Олон улсын туршлагыг түшиглэсэн харилцааны ур чадвар, биеийн хэлэмжийн сургалт төрийн цахим үйлчилгээний чанарт эерэг өөрчлөлт авчрах бас нэгэн чухал алхмын нэг билээ.
“И-Монгол академи” УТҮГ нь алба хаагчдынхаа мэдлэг ур чадварыг нэмэгдүүлэх, сургалт соён гэгээрүүлэх ажлыг шат дараатай зохион байгуулсаар байна. Энэ удаад Олон улсын байгаль хамгаалах сангийн (WWF) Монгол дахь асуудал хариуцсан зөвлөх А.Нинжин нь “И-Монгол академи” УТҮГ-ын албан хаагчдад зориулсан тогтвортой хөгжлийн зорилго (ТХЗ), харилцааны ур чадвар болон биеийн хэлэмжийн тухай сургалтыг зохион байгуулж, чөлөөт уулзалт хийлээ.
Сургалтын үеэр олон улсын тогтвортой хөгжлийн бодлого, зорилт хэрхэн өдөр тутмын ажил, үйлчилгээний чанарт нөлөөлдөг тухай танилцуулж, байгууллагын соёл, хэрэглэгчтэй харилцах ёс зүй, биеийн хэлэмжийн нөлөө зэрэг сэдвээр идэвхтэй хэлэлцүүлэг өрнөв.
Энэхүү сургалтыг зохион байгуулснаар:
- Тогтвортой хөгжлийн суурь ойлголт, зарчим-ыг төрийн албан хаагчдын ажлын үйл явцад уялдуулах нөхцөл бүрдэнэ.
- Албан хаагчид хүний хөгжилд суурилсан ур чадвар (soft skills)-ыг эзэмших, хөгжүүлэх ур чадвар эзэмшинэ.
- Цаашид илүү хариуцлагатай, ил тод, хүндэтгэлтэй харилцаа бүхий үйлчилгээний стандарт төлөвшихөд хувь нэмэр оруулна.
Мөн цаашид ч дотоодын болон олон улсын байгууллагуудтай хамтран ур чадварын хөгжүүлэлт, үйлчилгээний чанарыг дээшлүүлэхэд чиглэсэн сургалт, уулзалтуудыг тогтмол хэрэгжүүлсэн байх юм.
