Нийслэлийн нийтийн тээврийн парк шинэчлэлтийн хүрээнд БНХАУ-ын “Yutong Bus” компанид үйлдвэрлэсэн “ZK6117H” загварын 10 шинэ автобус ирж, “Чингис хаан” олон улсын нисэх буудлын чиглэлд нийтийн тээврийн үйлчилгээнд ашиглаж эхэллээ. Уг автобусаар Х:19 болон Х:20 чиглэлд иргэд зорчих боломжтой болсон бөгөөд тасалбарын үнэ чиглэлээс хамааран ялгаатай байна.

Үйлчилгээний тариф:

• Х:19 чиглэл (Чингис хаан ОУНБ – Таван шар):

  • Том хүн – 15,000₮

  • Хүүхэд – 7,000₮

• Х:20 чиглэл (Таван шар – Чингис хаан ОУНБ):

  • Том хүн – 10,000₮

  • Хүүхэд – 5,000₮

Эдгээр автобус нь 45 хүний суудалтай, евро-5 стандартын хөдөлгүүртэй, Монгол орны цаг агаарын нөхцөлд тохируулсан агааржуулалт, хяналтын камер, аюулгүй байдлын шийдэлтэй бөгөөд зорчигчийн тав тухыг бүрэн хангасан байна.

Шинэ чиглэлийн автобусны зогсоолууд:

• Х:19 чиглэл:

  • Сүхбаатарын талбай

  • Төв цэнгэлдэх хүрээлэн

  • Яармагийн 1-р зогсоол

  • Буянт-Ухаа спорт цогцолбор

  • Чингис хаан олон улсын нисэх буудал

• Х:20 чиглэл:

  • Буянт-Ухаа спорт цогцолбор

  • Архивын ерөнхий газар

  • Чингис хаан олон улсын нисэх буудал

Энэхүү шинэ үйлчилгээ нь зорчигчдод нисэх буудал руу найдвартай, ая тухтай, шууд хүрэх боломжийг бүрдүүлж байгаа бөгөөд нийтийн тээврийн хүртээмжийг нэмэгдүүлэх чухал алхам боллоо.

Эх сурвалж: Нийслэлийн Засаг даргын Тамгын газар