Цагдаагийн "102 Police" аппликэйшнийг иргэн бүр ашиглах боломжтой болжээ. 

Тус аппликэйшнээс олон төрлийн мэдээллийг авах боломжтой аж. Тухайлбал, гэмт хэрэг, зөрчлөөс урьдчилан сэргийлэх, иргэд, олон нийтэд мэдээ, мэдээллийг шуурхай хүргэх, дуудлага, мэдээллийг мессэжээр болон дүрст хэлбэрээр өгөх, дуудлага мэдээлэлд ирж буй цагдаагийн авто машины байршлыг харах, замын хөдөлгөөний ачаалал, дугаарын хязгаарлалттай бүс, замын хар цэгийн мэдээлэл, иргэний гаргасан дуудлага, гомдол мэдээллийг аль нэгжийн хэн гэдэг алба хаагч шалгаж байгаа хуулийн хүрээнд ямар арга хэмжээ авч шийдвэрлэж ажилласан талаарх мэдээллийг нэг доороос хурдан шуурхай авах боломжийг олгосон иргэн бүрд зориулсан аппликэйшн юм.