1951 оны энэ өдрийг "Дэлхийн Мисс" олон улсын тэмцээний төрсөн өдөр гэдэг. Энэ өдөр Лондоны рекламын агент Эрик Морлид тэмцээн явуулах санаа төрсний шигшээ нь тухайн оны долдугаар сарын 29-нд явагджээ. Түүний буянаар Лондон дэлхийн гоо сайхны нийслэл цол авч байлаа. “Дэлхийн Мисс”-ийг зөвхөн нэг удаагийн рекламын арга хэмжээ болгохоор сэтгэсэн бөгөөд тэр нь “Мекка” гэсэн бүжгийн танхмыг Лондоны Британийн наадмын үеэр алдаршуулах зорилготой байжээ. Тэгээд л түүнд наадмын хүрээнд олон улсын гоо бүсгүйн уралдаан явуулах санаа төрсөн ба тэр нь жил тутмын дэлхийн хэмжээний арга хэмжээ болон хөгжжээ.
“Дэлхийн мисс” цолны төлөө 26 гоо бүсгүй өрсөлдөж байхдаа бас л анх удаагаа бикини гэх дотуур хувцастай тайзнаа гарч олныг алмайруулж байлаа.
"Дэлхийн Мисс" уралдааны анхны ялагчаар 1951 онд 22 настай швед бүсгүй Керстин (Кики) Хоканссон тодров. Шагналд нь тэр 1000 фунтын чек, хүзүүний зүүлт, хэвлэлийн хуудаснаа тавигдах эрхийг авсан байлаа.
- ЗХУ-д анхны “Гоо бүсгүйг” 1988 онд комсомолын байгууллага зохион байгуулж, "Бурда" концерн ивээн тэтгэжээ. Түүнд 16 настай Маша Калинина ялжээ.
- Хамгийн анхны гоо бүсгүйн тэмцээн 1888 оны есдүгээр сарын 19-нд Бельгийн Спа хотноо болж 350 бүсгүйчүүд оролцож байжээ. Нэр нь дэвшсэн 350 хүнээс 21 бүсгүйчүүд шалгарсны дараа зөвхөн эрэгтэйчүүдээс бүрэлдсэн шүүгчид тэднийг “хаалттай хаалганы” цаана үзэн шалгаруулж байв.
- "Мисс Европ" анхны тэмцээн 1929 онд Парис хотноо болжээ. Уралдаанд Орос оролцсон 18 орны эмэгтэйчүүд оролцов. Уралдаанаас өмнө бүсгүйчүүд өөрсдийн зургийг "Пари-Миди" сонинд ирүүлжээ. Сонин байнга сайхан бүсгүйчүүдийн зургийг нийтэлж байлаа. Тэр үед уралдаанд зөвхөн европ царайтай бүсгүйчүүд оролцож байсан ба Дэлхийн анхных болох “Мисс Европ” анхны цолыг Унгар бүсгүй Эльжбьета Бёшке Шимон авч байжээ.
М.Цогт
