Жилийн шинжүүд бүр сүүлдээ тоглоом хийгээд ч байх шиг байхын. Урвуулагч хэмээх шороо царайлсан гахай жил ч гэжаах шиг. Ирэх жил Хулгайлагч, тэрний дараа Луйвардагч жилүүд гарах байх.

Энэ жилийн үхэр хөтөлсөн олигтой зураг ч олдодгүй ээ. Байгаад нэг ийм номын гавтасны зураг гүүглээс оллоо. Би чинь одоо тэгээд хэд гурван жил үхэр хөтөлсөн хүн шинжсэн ч энэ жилийнх шиг ийм кашмаарны хүн харж байсангүй. Хар л даа тэр царайгий нь. Хөлдөөгчнөөс гаргаад ирсийм шиг. 

Жил жилийн үхэр хөтөлсөн хүмүүс тэгээд манай муу Монголыг л дүрсэлсэн байдийм доо. Одоо тэр хүний нь хар, тэс хөлдүү толгойтой. Наашаагаа муухай хялайцан (ийм аймар хялайсан хонины толгой ч хараагүйм байна). Тэгснээ худлаа ярьсаар байгаад хамар нь сунаад унжцан. Ядаж малгайгаа өмсөөд халзарснаа нуучих ухаан ч байхгүй шүү. 

Тэр малгай нь жанжин малгай байхыг бодоход жанжин Сүхийн сүнс байж магадгүй юм. Гартаа Зандан ташуур бариад голд нь “нам зүгээр байлгаарай!” гэсэн бичиг нууцан нтр. 

Бас л өрөөсөн гуталтай. Гэхдээ тэр урагшаагаа баруун хөлөө тавьсан хэрнээ зүүн хөлийн тавхайтай жоохон аймар уу. Ингээд хамаа намаагүй холиод зурцныг бодоход гишүүн Билэгт гуай байж болохын. Өмсөөд явах юмыг бүсэндээ гавчуулж барьцан, ногоон сахал махалтай энэ яг мөөн мөн. 

Ер нь бол энэ хөлдүү нөхөр хүний дээл малгай, ташуур, үхэр мүхэр хусчаад, гутлы нь хам хум өмсөөд зугтааж байгаа л хүн харагджийнэ. ЖДҮ-гийн хулгайч нараас болоод тэгж бодсон байх. 

Аа тэр үхрийн толгой шар мар байх хэнд хамаатай юм. Хэний ч толгойд юу ч орсым билээ. Гарынх нь үзүүрт шар будаг таарсым байгааз. Өөрийнхөө үхрийг тайлбарлы даа.

Миний үхэр хөтөлсөн хүн

Би үхэр дээрээ суусан хүн зурсан. Гэхдээ үхэрнээсээ эхлээд ярий. Энэ үхэр бол маниус юм байгаан. Ингээд нэг маанагдуу царайтай, юм хум ойлгохын эцэсгүй харцтай. Нэг чихнээс нь эзэн нь “тавантолгойн хувьцаа тараана” гэдэг пайз зүүцэн. Нөгөө чихнээс нь “улсад хураана” гэсэн бичиг. Эвэртээ боксын бээлий өмсцөн байгаа нь хоёр эвэр хоорондоо боксдож, хэрэлдэж байна гэсэн үг. Дарга нар нь хоорондоо хэрэлдэхээрээ шууд гудамжинд гараа л ард биднүүсийг хооронд нь хувааж хэрэлдүүлдгийг харуулж байгаан. Тэгээд өөрснөө ордондоо ороод инээлдээд суучихна.

Тэр бөөрөн дээр нь байгаа вайфайгийнх тэмдэг бол хавирга шүү. Тийм туранхай, тэгсэн хэрнээ ганган прадагийн туурайтай. Прадагийн эмблем нь харагдахгүй л дээ, туурайных нь цаад талд зурсан юм. 

Тэр мөөм нь 24 байгаа. Манай алдарт 24 ЖДҮ-гийн гэмт хэрэгтнүүдийн хоол байгаам. Үхэр өөрөө чааваас хэзээ ч өөрийгөө хөхөж чадахгүй, зөвхөн манай 76 нтрийн л хоол. 

Үхэр нь лайкаар бааж байгаан. Бид чааваас мөөмөө хүнд хөхүүлчээ л өөрснөө фэйсбүүк дээр солиоролдож хоорондоо хэрэлдэхээс өөр юм чадахгүй. Лайкы нь жоохон муухай зурцы шүү.

За тэр үхрийн сүүлэн дээр хутга тавиад сууж байгаа хүн бол Ерөнхий сайд Хүрэлсүх. Үхрээ ийнхүү сайхан арчилж гангалчаад одоо гам алдав аа, цаашаа сайн арчлаарай гэсэн захиасыг ард би чинь өгч байгаамаа. 

Тэр үхрийн аманд нь байгаа ганц шүд Хурлын дарга Занданшатар. Одоо Ерөнхий сайд маань шүдгүй арслан биш шүдтэй үхэр болсныг ийнхүү ёслон тэмдэглэв.

Тэр урд нь суугаад байгаа нь нохой. Гэхдээ манай нохой. ШХАБ-ыг чиглээд шогшиж явтал Ерөнхий сайд үхэр дээр гараад суучихаар нь үхэр унасан хүнд нохой өшөөтэй гэгчээр ингээд харж байгаан.